Zaaki 3:6 - LAWA A BOO SONBORE 2011

⁶ Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

LAWA A BOO SONBORE

⁶ Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Zaaki 3:6 ပူးပေါင်းရင်းမြစ်များ

Samayeli2 16:20

Bɛ kio, Abusalɔn pɛ Ayitofɛli ni: «Ka dinin nə kɔn yɛ. Wɔsɛn doamaa bɛ́ nɛ wɔ màn mɛn zɛnaa, ka bɛ pɛ.»

Samayeli2 19:43

Zudaa minin lɛn tumaa tɔ́n pɛ Izirayeli minin lɛn manɛ. Dɔɔ̃nbaa tá wɔsɛn laanka kii lɛ bii á la ka nɛ. Wàa na á baa kasɛn foo á yui bɛ taman yii. Kii lɛ na á màn-bii kɔ wɔsɛn la wɔ́ bii? Kii lɛ na á màn bɔ á kɔ wɔsɛn la?

KZS2 13:17

Abiya laanka a minin nə́ bɔ̀n gole da Izirayeli sɔraasin ganaa parsiini. Ǹ nə́ sɔraasi kaka duu biɛsooro (500 000) dɛ.

Loen 140:3

min mɛnɛn lɛn bɛ́ ke, ǹ nə́ sii baraa taasɛ ǹ gɔ́ɔ̃ nɛ, ǹ nə́ zia yui baraabaraa.

Loen 64:3

Baraa-zɛnaalin man nə́ n giala kaa kun, min baraan man gɔn diɛ ma ganaa, ma kanbaa ǹ ganaa.

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Suusun 16:27

Min gɔ́ɔ̃ baraa a sii tumaa n doa-n baraa zɛnaa ganaa. A lɛ gɔ́ɔ̃ ǹ boo n ka tɛ bɛ́ lɔn kuĩ girigiri.

Suusun 7:5

Ǹ tá n kanbiɛ lɔ kɔrɔ ganaa, lɔ mɛn bɛ́ n ba doɛ̃ wa, a lɛ gɔ́ɔ̃ ǹ boo n paparɛ.

Izayii 30:27

Dɛnaa Lawa á ke, a n boe tìãlɛa die. A foo-yoo n tɛ lɛa ka kurukuru. Foo-yoo nə n daa a lɛ la. A da ǹ boo n ka tɛ bɛ́ lɔn màn kuĩ.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 28:16

Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Lawa a wúlu-bɔlen 24:11

A da yaa, a dɔ dan nə Izirayeli min lɛa, a tɔ n Selomiti, Dibri a nɛlɔ nɛ. Dibri lɛ n Dan tɔrɔ lɛa. Selomiti a nɛgiĩ lɛ na á Lawa tɔ ziziɛ̃, á sɔ kɔ a ganaa. Bɛ lɛ nɛ, ǹ nə́ kũ ǹ nə́ daa kɔ Muizu la.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Minin nimi 31:16

A da yaa, bɛa Madiã lɔn kɛn lɛn dinin man nə́ n saa Balaamu a boo li, ǹ nə́ toa Izirayeli minin lɛn nə́ n baa bɔlɔgoonbaãdɛnan lɛa Dɛnaa Lawa yɔrɔ-a wa, Pewɔɔrɔ a sii kɛ gɔ́ɔ̃ nɛ. Bɛ́ toa koe bɔ Dɛnaa Lawa a zaman lɛ ganaa.

Matiə 12:24

Fariziɛ̃n bɛ́ ǹ nə́ bɛ ma, ǹ nə́ tɔ́n pɛ: «Giĩ kɛ n nɔ̀ɔnɔn lui ǹ boe minin ganaa ka nɔ̀ɔnɔn kiã *Sɛtaan pàã nɛ!»

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 7:15

Màn woo màn boe kanaa a wɔ min *gɔ́ɔ̃ nɛ, bɛ bie min gɔgɔrɛ koe wa. Màn mɛn bɛ́ boe a din gɔ́ɔ̃ nɛ, bɛ lɛ na a gɔgɔrɛ koe. [

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.»

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Nya ǹ dín 6:13

Ǹ nə́ ga siére soɛ-bɔlen li walan, bɛn nə́ pɛ: «Giĩ ke ka yii tá-a, a n boo baraa diɛ biikoo tumaa waáraa Lawa a kion kɛ wɔ gɔn la, ka Lawa dín mɛnɛn pɛ Muizu ni.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Zaaki 2:7

Ǹ bɛ́ ka bíi ka tɔ sonbore mɛn nɛ, táa ǹ dinin lɛn man bɛ lɛ dɔ ziziɛ̃?

Zaaki 3:7

Minbuiin nɛ a foɛ̃ màn tɔrɔ kɔ́n a doroo li wa: don mànan nɛ, bàanan nɛ, màn nɔ̀ giɛraa tán-a wolen laanka zɔ̀nɔn nɛ, minbuiin nɛ boo la á ǹ tumaa doroo a din ni.

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,

Zaã3 1:10

Bɛ lɛ nɛ, bɛ̀ má daa walan, a sii bɔnɛɛ mɛn tumaa zɛnaa, a boo baraan mɛnɛn da, ka soɛn mɛnɛn nɛ wɔsɛn wɔ paǹ li, ma á re a tumaa nyɛɛ. Sɛnɛ, bɛ kɔ́n dɔ a yii li wa: wɔ dɔɔ̃nɔn mɛnɛn bɛ́ die walan, a nə n piɛ̃ doo mà ǹ baran bɛn dɔn si wa. Min mɛnɛn dɔn dinin bɛ́ zoɛ̃ mà ǹ nə ǹ si, a n bɛn dɔn kurii mà ǹ baran ǹ si wa, a n giɛ li mà a ǹ loo dinin, a ǹ bɔ Lawa a sɔmɔ-n.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.