Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.
Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»
Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.
Man má goã we lɛsɔkɔn kionən ne gunyin damata, bɛ̀ ma Lawa a minin lɛn nɔmaa, man má goã giɛ li, ǹ nə n piã ka ǹ golee Lawa li ni. Maa foo-yoo lɛ bɛ́ á gole kɔ á la yii ni, má goã ǹ kio lui yǎa kiwi kɔsɔn nɛ, ma nə́ ǹ nɔmiɛ.
Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.
Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.