Zaaki 1:1 - LAWA A BOO SONBORE 2011

¹ Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

LAWA A BOO SONBORE

¹ Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Zaaki 1:1 ပူးပေါင်းရင်းမြစ်များ

Kiin1 18:31

Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Ɛsit 3:8

Haman tɔ́n pɛ kii Zɛrzɛsi ni: «Tɔrɔ lɛ kɔn tan a ba goon ka ǹ miãn nɛ wa. Bɛa tɔrɔ lɛ a minin tá ǹ mìi ni pɛsiɛ̃ nɛ tɔrɔn bii n gána lɛ a bǎãn tumaa nɛ. Ǹ sii zɛnaa ǹ gɔnɔn ba goon ka tɔrɔ kɔn wɔn nɛ wa, ǹ ba kii lɛ bɔlɔ sii wa. Bɛ̀ kii lɛ nə́ ǹ toa walan kiĩn ni, a là ba a-n wa.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Bɔ bɛ̀rɛbaa nɛ 28:21

Kɔlɔn lɛn man die kɔn siɛ ka Zakɔba a nɛgiĩn tɔn lɛn nɛ: kɔlɔ fulupaa ka ǹ dɔn tɔn lɛn bɛ́ lɔn. Maǹ die goɛ̃ Izirayeli nɛnyaanan tɔrɔgiala basa fulupaa kɛ a sii nyaa ǹ sii lɛa.

Bɔ bɛ̀rɛbaa nɛ 39:14

Kɔlɔn lɛn nə́ kɔn saa ka Zakɔba a nɛgiĩn lɛn tɔn nɛ, kɔlɔ fulupaa ka ǹ dɔn tɔn lɛn bɛ́ lɔn. Maǹ Izirayeli nɛnyaanan tɔrɔ giala basa fulupaa kɛa sii nyaa ǹ sii lɛa.

Ezekieli 12:15

Bɛ̀ masɛ nə́ n sasawaa má ǹ kaa tɔrɔ kɔsɔn bii ǹ mɛn waáraa, bɛ̀ má ǹ pɛsɛ̃ má ǹ kaa gána kɔsɔn nɛ, ǹ tá re doɛ̃ bɛa biikoo li, ma masɛ din nə Dɛnaa Lawa lɛa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Matiə 10:3

Filipi laanka Bartelemii ni, Toomaa laanka wusuru-sili Matiə ne, Alfee a nɛgiĩ Zaaki laanka Taadee ne,

Matiə 13:55

Da-sɛlɛli lɛ a nɛ lɛ bie ka a din kɛ lɛ-n wa ya? Mariya bie a din dan lɛa wa? A din kɛ lɛ dɔɔ̃ngiĩ bie ka Zaaki ni, ka Zozɛfu ni, ka Simɔn laanka Zudee-n wa ya?

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Marki 3:18

Andre ne, Filipi ni, Bartelemii ni, Matiə ne, Toomaa nɛ, Alfee a nɛgiĩ Zaaki ni, ka Taadee ne, ka Simɔn nɛ (min mɛn bɛ́ zia diɛ a gána a lɛa),

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Luku 6:15

Matiə ne ka Toomaa nɛ, Alfee a nɛ Zaaki ni ka Simɔn nɛ, min mɛn bɛ́ a gána sii n kaka a ganaa parsiini,

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 1:13

Ǹ bɛ́ ǹ nə́ dɔ kiwi, ǹ nə́ woo ǹ giã ǹ bǎã nɛ, sanabolo-n lon. Dia dí-a wolen lɛn tɔn nə́ ke: Piɛrɛ nɛ ka Zaã nɛ, Zaaki ni ka Andre ne, Filipi ni ka Toomaa nɛ, Bartelemii ni ka Matiə ne, Alfee a nɛ Zaaki ni ka Simɔn nɛ, min mɛn bɛ́ a gána sii n kaka a ganaa parsiini ke, ka Zaaki a nɛ Zude ne.

Nya ǹ dín 12:17

Piɛrɛ nə́ n gɔn yiɛ ǹ nɛ, mà ǹ nə n lɛ tã. Dɛnaa bɛ́ á bɔ kòso-n lɔn, á bɛ laakalaa ǹ nɛ. A ná a boo gɔn nyɔmɔɔ ka kɛ nɛ: «Ka wo bɛ pɛ Zaaki laanka dɔɔ̃nɔn manɛ.» Bɛ kio, á zii kũ á woo kɛ kɔsɔ ganaa.

Nya ǹ dín 15:13

Ǹ bɛ́ ǹ nə́ boo da ǹ nə́ nya, Zaaki dɔ tɔ́n nə́ n lɛ bũ á pɛ: – Ma dɔɔ̃nɔn lɛn, ka n too kɔ masɛ lon.

Nya ǹ dín 15:21

Sonbore, a kũ biikoo sɔsɔɔ ganaa, Muizu a dí-pɛn lɛn laakalaalin tá kiwi din tumaa nɛ, a giala, ǹ tá a sɛ́wɔ lɛ pii *susu ǹ pii tumaa li lɛsɔkɔn kionən ne.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 2:5

Á daa yaa, Zeruzalɛmu kiwi lɛ nɛ, Zuifu nyɛ́ɛbaa Lawa yii-n wolen tan, ǹ nə́ bɔ kanaa a gánan tumaa nɛ ǹ nə́ daa.

Nya ǹ dín 21:18

A lɛawaa, Pooli woo kun wɔ nɛ Zaaki a piɛ, wɔ́ woo nyɛɛnaandɛnan tumaa yaa walan gɔrɔ.

Nya ǹ dín 23:26

«Masɛ Klodusi Liziasi n sɛ́wɔ kɛ diɛ nsɛ kii Feliksi la ma á fòo diɛ n nɛ.

Nya ǹ dín 26:7

Wɔsɛn tɔrɔ kiɛnlɛ fulupaa kɛ lɛ din tumaa dɔ foo n doa nɛ, mà bɛa lɛ-kɔ kɛ lɛ lɛ á re piɛ̃, bɛ lɛ nɛ ǹ tá n gù we yii, ǹ nə́ Lawa guguru koe tèlò laanka penleen ne. Kii Agripaa, bɛa foo-doa sii ganaa kɛ lɛ din dɔ a lɛa nɛ Zuifun tá ma zɛ̀rɛ biɛ.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Galaasi minin 1:19

Sɛnɛ, bɛa lɛawaan kɛn lɛn tumaa gɔ́ɔ̃ nɛ, ma kɔn yɛ ka Yezu a dia dí-a wole kɔsɔ-n wa, yǎa Dɛnaa din dɔɔ̃ngiĩ Zaaki kɛ dinsɔɔ̃.

Galaasi minin 2:12

Zaaki a dia dí-a wolen bɛ́ ǹ tɔn daa wa, a na á goã màn bii kun ka tɔrɔ kɔsɔn kɛn nɛ, Krita a minin lɛa. Sɛnɛ, ǹ bɛ́ ǹ nə́ daa biikoo mɛn li, á n na á n bɔ ǹ ganaa. A màn bii kunun ǹ ni doo wa, a giala, a na á nyɛ́ɛ baa Zaaki a minin lɛn manɛ, ǹ paraa kurii boo ganaa kɛ taman yii.

Galaasi minin 2:9

Zaaki ni, Piɛrɛ nɛ, ka Zaã nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Timote2 4:21

N doa n daa bɔ̀nɔn tɔn kɔ. Ebulusu laanka Pudansi tá fòo diɛ n nɛ, ka Linusu laanka Klodia nɛ. Dɔɔ̃nɔn gialakunun lɛn tumaa tá fòo diɛ n nɛ.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 7:4

Ǹ nyaǹ kiɛ̃ min mɛnɛn ganaa ǹ nə́ tɔ́n bɛn lɛ pɛ, má ma: Minbuiin duu paabiɛ ka pusiwensii (144 000) ni, ǹ nə́ ǹ nyaǹ kiɛ̃, ǹ nə́ boe Izirayeli gána paǹ din tumaa nɛ.