Zaã2 1:6 - LAWA A BOO SONBORE 2011

⁶ Ma bɛ́ kɔn-narɛɛ mɛn boo diɛ, bɛ n ka kɛ nɛ, wɔ toa wɔa giã ǹ gɔn kɔnpɛ ka Lawa a dí-pɛn nɛ. Dí-pɛ mɛn lɛ bɛ́ wɔ́ n daraa a ganaa, a saa giala-kɔ waáraa ganaa, a n mà wɔa giã ǹ gɔn goã kɔn narɛ ǹ zii la.

LAWA A BOO SONBORE

⁶ Ma bɛ́ kɔn-narɛɛ mɛn boo diɛ, bɛ n ka kɛ nɛ, wɔ toa wɔa giã ǹ gɔn kɔnpɛ ka Lawa a dí-pɛn nɛ. Dí-pɛ mɛn lɛ bɛ́ wɔ́ n daraa a ganaa, a saa giala-kɔ waáraa ganaa, a n mà wɔa giã ǹ gɔn goã kɔn narɛ ǹ zii la.

Zaã2 1:6 ပူးပေါင်းရင်းမြစ်များ

Zaã a sɛ́wɔ 14:15

Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 14:21

Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:10

Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Timəə dí-pɛn 13:4

ka nyan nə n too kɔ bɛa Lawa a boo gii-dali hinlaa bɛa narɛɛ-wɔle kɛ lɛ lon wa. A giala, kaa Lawa, Dɛnaa Lawa lɛ nə n diɛ ka gɔ́ɔ̃ li á n giɛ a ganaa, bɛ̀ ka tá asɛ narɛ ka ka foo tumaa nɛ, ka ka gɔ́ɔ̃ tumaa nɛ.

Zaã1 2:24

Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

Zaã1 2:5

Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

Zaã1 2:7

Maa giaáran lɛn, ma bie dí-pɛ dii diɛ ka la wa, sɛnɛ dí-pɛ zizi ni. Ka ǹ mɛn lɛ ma kaa Boo Tii Kɔɔ̃n ma pinaa.

Zaã1 5:15

Wɔ bɛ́ doɛ̃, wáa bɛ̀ wɔ́ màn woo màn nyankɔ la, wáa a tá n too koe wɔ lon, bɛ lɛ dɔ n toɛ wɔ á doɛ̃, wáa bɛ̀ wɔ màn mɛn nyankɔ la, wáa bɛ n wɔa wɔ lɛa.

Zaã1 5:3

A giala, bɛ̀ wɔ á Lawa a dí-pɛn lɛn lɛ sii, wɔ n Lawa narɛ ka bɛ nɛ. A dí-pɛn lɛn dɔn ba kaka wɔsɛn ganaa wa,

Zaã2 1:5

Kanna kəni, Lawa a sɔmɔ minin lɛn, man ka nyankoe, máa ka daa wɔ kɔn narɛ. Bɛ bie dí dii lɛa ma á koe ka la wa, dí mɛn nə n pɛ wɔ nɛ, a saa giala-kɔ waáraa ganaa, bɛ lɛ nɛ.