Zaã1 5:10 - LAWA A BOO SONBORE 2011

¹⁰ Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

LAWA A BOO SONBORE

¹⁰ Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

Zaã1 5:10 ပူးပေါင်းရင်းမြစ်များ

Zɔbu 24:25

Bɛ̀ a miɛ̃ wa, ka pɛ mà soɛ n má bɔ. Ka mɛn nə die maa boo kɛ biɛ boo kooro lɛa?»

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Suusun 3:32

Min kɔkɔrɔn tìĩ n boe ne Dɛnaa Lawa nyin ni, sɛnɛ, min peperen giaára nɛ.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Zaã a sɛ́wɔ 3:16

A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 3:18

Bɛ̀ min mɛn golee Lawa a Nɛgiĩ li, kiri ba n we bɛa dɛnaa ganaa wa. Bɛ̀ min mɛn golee li wa, kiri nə́ n wɔ bɛa dɛnaa ganaa á nya, a giala a na a golee Lawa a Nɛgiĩ li wa.

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Zaã a sɛ́wɔ 5:38

A boo din ba ka foo-n wa, a giala, a min mɛn lɛ dia, ka golee li wa.

Nya ǹ dín 8:37

[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.» Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Galaasi minin 4:1

Maa taasiɛ n ka kɛ-n kəni: Nɛ mɛn bɛ́ ǹ di a kíɛ̃-saali lɛa, a n goon ka bɛ n bɛ̀rɛ lɛa a nɛtenbaa tumaa gɔ́ɔ̃ nɛ, a laanɛ a din nə màn tumaa a dɛnaa lɛa.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Piɛrɛ2 1:19

Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 2:17

Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.

Sii-nyaan 2:28

A gɔ̀lɔ̀baa a lɛa, ma á re baayɛlɛ a leere dɔ koe la.