Zaã1 4:12 - LAWA A BOO SONBORE 2011

¹² Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

LAWA A BOO SONBORE

¹² Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zaã1 4:12 ပူးပေါင်းရင်းမြစ်များ

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Bɔ bɛ̀rɛbaa nɛ 33:20

N ba boe la n masɛ yɔrɔ yɛ wa, a giala, minbuiin nɛ a boe la a masɛ yɔrɔ yɛ, a yii wusoo a goã koo wa.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Zaã1 2:5

Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Zaã1 4:16

Lawa bɛ́ wɔ narɛ ka yɔrɔ mɛn nɛ, wɔsɛn tá bɛ doɛ̃, a giala wɔ́ golee li. Minin-narɛli n ka Lawa nɛ. Bɛ̀ min mɛn dɔ minin-narɛli baa, ǹ dɛnaa n goɛ̃ kun ka Lawa nɛ, Lawa dɔ n goɛ̃ kun ka a dɔ nɛ.

Zaã1 4:20

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.