Zaã1 3:23 - LAWA A BOO SONBORE 2011

²³ A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

LAWA A BOO SONBORE

²³ A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 3:23 ပူးပေါင်းရင်းမြစ်များ

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Matiə 22:39

A paabaa ǹ wɔ mɛn a sii bɛ́ kaka ka bɛ bɛ́ lɔn, bɛ n ka kɛ nɛ: «N miã kɔsɔ narɛ ka n bɛ́ n din narɛ lɔn.»

Marki 9:7

Labara goon bɔ á n kuməə ǹ ganaa. Lawa a boo-diɛ lɛ bɔ bɛa labara lɛ gɔ́ɔ̃ nɛ á pɛ: «Masɛ a Nɛgiĩ narɛ wole n ka kɛ nɛ, ka n too kɔ a lon!»

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 13:34

Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 14:1

Yezu mà a kialandɛnan lɛn ganaa: «Ka foo baran ziziɛ̃ wa. Ka golee Lawa li, ka golee masɛ dɔ li.

Zaã a sɛ́wɔ 15:12

Maa dí-pɛ n ka kɛ nɛ: Ka kɔn narɛ ka masɛ bɛ́ má ka dɔn narɛ lɔn.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 2:23

Yezu bɛ́ Zeruzalɛmu, kiɛ̃mala ǹ zɔ́n biikoo li, min gigiã bɛ́ á yɛ kaãbaa ǹ siin zɛnɛɛ, ǹ nə́ golee li.

Zaã a sɛ́wɔ 3:18

Bɛ̀ min mɛn golee Lawa a Nɛgiĩ li, kiri ba n we bɛa dɛnaa ganaa wa. Bɛ̀ min mɛn golee li wa, kiri nə́ n wɔ bɛa dɛnaa ganaa á nya, a giala a na a golee Lawa a Nɛgiĩ li wa.

Zaã a sɛ́wɔ 6:29

Yezu tɔ́n pɛ ǹ nɛ: «Lawa foo sii dí n ka kɛ nɛ, a min mɛn lɛ dia, ka golee bɛ lɛ li.»

Nya ǹ dín 16:31

Ǹ ná a lɛ si: «Golee Dɛnaa Yezu li, n tá re kirisibiɛ, n laanka n kion minin ni.»

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Tesaloniki1 4:9

Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Timote1 1:15

Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Zaã1 2:7

Maa giaáran lɛn, ma bie dí-pɛ dii diɛ ka la wa, sɛnɛ dí-pɛ zizi ni. Ka ǹ mɛn lɛ ma kaa Boo Tii Kɔɔ̃n ma pinaa.

Zaã1 3:11

Ka dí-pɛ mɛn boo ma, a saa giala-kɔ waáraa ganaa, bɛ n ka wɔa kɔn-narɛɛ nɛ.

Zaã1 4:15

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.

Zaã1 5:13

Kasɛn mɛnɛn bɛ́ ka golee Lawa a Nɛgiĩ tɔ li, man boo kɛ kiɛ̃ diɛ ka la, màn mɛn bɛ́ toɛ ka dɔ̃, mà nyin nyabaã tá ka li.