Zaã1 2:5 - LAWA A BOO SONBORE 2011

⁵ Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

LAWA A BOO SONBORE

⁵ Sɛnɛ, min mɛn bɛ́ a boo sii, bɛa dɛnaa n Lawa narɛ taãn-taãnɛ, a giala yii li. Wɔ ǹ wɔa doa-kɔn ka Lawa-n doɛ̃ ka bɛa yɔrɔ kɛ nɛ.

Zaã1 2:5 ပူးပေါင်းရင်းမြစ်များ

Loen 105:45

Á giɛ sii mɛn li, mà yǎa ǹ na asɛ foo sii boon laanka asɛ a dí-pɛn tamɛɛ, ǹ koe ǹ lɛ. Aleluya, ka Dɛnaa Lawa tɔ bɔ!

Loen 106:3

Min mɛnɛn bɛ́ dí-pɛn tamaɛ, ǹ nə́ sii pepere zɛnɛɛ biikoo tumaa li, Lawa á re barka diɛ bɛn ganaa.

Loen 119:146

Man lɛ diɛ n la, ma kirisibaa, ma á re n gɔn waa ǹ boon kɛn tamaɛ.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 119:4

N din a minin doroo ǹ boon kɛn ń kɔ, man giɛ, mà ǹ bɛn tamaa sɔnbɔraanɛ.

Suusun 28:7

Nɛnyaan mɛn bɛ́ koe dí-pɛn lɛ, yiridɛnaa nɛ. Sɛnɛ, n mɛn bɛ́ koe sii baraa zɛnaa wolen lɛ, a n sìi diɛ ǹ di ganaa.

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Boo-laakalaali 8:5

Min mɛn bɛ́ gɔn-waa sii, sii a re bɛa dɛnaa yii wa. Sii-dɔ̃li á doɛ̃, mà ǹ kɔn pinaa, mà kiri tan.

Ezekieli 36:27

Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Zaã a sɛ́wɔ 14:21

Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Zaaki 2:22

Táa ń yɛ: Goleemali laanka a zɛnaa ǹ siin lɛn man nə́ goã dí nyɛɛ kun. Zɛnaa ǹ siin lɛn man nə́ goleemali lɛ lɛ pã.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Zaã1 4:17

Bɛ̀ kɔn-narɛɛ tá wɔ li a giala yii li, wɔ foo á re goɛ̃ doa-n kiri-kurii pinaa. A giala, wɔ́ goã kanaa kun ka Lawa nɛ, ka Krita bɛ́ á zɛnaa lɔn.

Zaã1 4:18

Nyɛ́ɛ ba kɔn-narɛɛ-n wa, kɔn-narɛɛ sonbore n nyɛ́ɛ boe wɔ ganaa. Bɛ̀ wɔ á nyɛ́ɛ biɛ mà min tá re dɔlɔ boe wɔ ganaa, bɛ n nyɛɛ mà wɔ ba ǹ dɛnaa narɛ a giala yii li wa.

Zaã1 5:2

Bɛ lɛ n ke, bɛ̀ wɔ á Lawa narɛ, wɔ ná a dí-pɛn siin zɛnɛɛ, wɔ ǹ doɛ̃ ka bɛ nɛ, wáa wɔ doamaa-n wɔ Lawa a nɛnyaanan dɔn narɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã2 1:6

Ma bɛ́ kɔn-narɛɛ mɛn boo diɛ, bɛ n ka kɛ nɛ, wɔ toa wɔa giã ǹ gɔn kɔnpɛ ka Lawa a dí-pɛn nɛ. Dí-pɛ mɛn lɛ bɛ́ wɔ́ n daraa a ganaa, a saa giala-kɔ waáraa ganaa, a n mà wɔa giã ǹ gɔn goã kɔn narɛ ǹ zii la.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 14:12

Bɛ lɛ a lɛa nɛ, kasɛn mɛnɛn bɛ́ Lawa a minin lɛa, kasɛn mɛnɛn bɛ́ Lawa a dí-pɛn lɛ sii, ka n golee-n Yezu li, ka doamaa nɛ ka n foo kũ, ka sii si ka ganaa.