Zaã1 2:24 - LAWA A BOO SONBORE 2011

²⁴ Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

LAWA A BOO SONBORE

²⁴ Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

Zaã1 2:24 ပူးပေါင်းရင်းမြစ်များ

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Zaã a sɛ́wɔ 8:25

Ǹ nə́ tɔ́n pɛ mà asɛ n die lɛa bɔrɔ? Yezu tɔ́n pɛ ǹ nɛ: «Masɛ bɛ́ boo mɛn lɛ pii ka nɛ baraabaraa, haalɛ a saa a giala kɔ waáraa ganaa, bɛ lɛ nɛ.

Filipi minin 4:15

Ka Filipi minin dininmaan tá doɛ̃, mà ma bɛ́ má soo Masedoanɛ biikoo mɛn li, bɛ̀ wɔ bɛ́ Boo Tii Kɔɔ̃n kɛ laakalaa giala koe, ka dinin Lawa a sɔmɔ lɛ din sɔɔ̃ na á goã á n dɔ ma lɛ. Ka dininsɔɔ̃nɔn man ka n gii wɔ maa yoo laanka maa mɛnaa ǹ sii ni.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 2:7

Maa giaáran lɛn, ma bie dí-pɛ dii diɛ ka la wa, sɛnɛ dí-pɛ zizi ni. Ka ǹ mɛn lɛ ma kaa Boo Tii Kɔɔ̃n ma pinaa.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Zaã1 4:13

Wɔ bɛ́ siɛ lɔn wɔ dɔ̃, mà wɔ tá kun Lawa nɛ, a dɔ n kun wɔ dɔn nɛ, bɛ á ke: a na á ná a Yiri kɔ wɔ la.

Zaã1 4:15

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Zaã1 4:16

Lawa bɛ́ wɔ narɛ ka yɔrɔ mɛn nɛ, wɔsɛn tá bɛ doɛ̃, a giala wɔ́ golee li. Minin-narɛli n ka Lawa nɛ. Bɛ̀ min mɛn dɔ minin-narɛli baa, ǹ dɛnaa n goɛ̃ kun ka Lawa nɛ, Lawa dɔ n goɛ̃ kun ka a dɔ nɛ.

Zaã2 1:2

Sonbore mɛn bɛ́ wɔ nɛ, a n die goɛ̃ wɔ li yǎa duduu, man ka narɛ bɛ lɛ a lɛa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.

Zaã3 1:3

Ma foo kɔɔ̃n kɔ parsiini, bɛ̀ wɔ dɔɔ̃nɔn kɔnɔn bɛ́ ǹ nə́ daa, ǹ nə́ pɛ ma nɛ, mà n tá bɔlɔgoondɛnaa lɛa sonbore wɔ paǹ li. A n miɛ̃ dɔn, n tá tɔ we sonbore gɔ́ɔ̃ nɛ.

Sii-nyaan 3:11

Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.