Zaã1 2:20 - LAWA A BOO SONBORE 2011

²⁰ Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

LAWA A BOO SONBORE

²⁰ Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:20 ပူးပေါင်းရင်းမြစ်များ

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 23:5

N din nə ma kuĩ tii lɛa sɔnbɔraanɛ, n din nə màn-bii koe ma la maa zɔ́ɔn yii ni, n nyɔɔ gìĩ kɔɔ̃n kaa ma mìi ni, n mi ǹ màn kaa paan piɛ̃ n kɔ ma la.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 71:22

Bɛ lɛ tɔ ganaa, ma á re n tɔ boe ka tùtu ni. Maa Lawa, ma á re loe loe ma n kɔn-narɛɛ gole kɛ laakalaa. Izirayeli a Lawa sonbore, ma á re n tɔ boe ka tùtu wuu ni.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Suusun 28:5

Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Lawa a wúlu-bɔlen 7:35

Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Marki 1:24

«Nazarɛtin Yezu, n bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne. N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 4:34

«Nazarɛtin Yezu. N bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne! N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Korɛnti1 2:15

Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii:

Ebrəə 8:11

Ǹ min kɔ́n ba re a din tɔrɔ min hinlaa ǹ dɔɔ̃n darɛɛ doo a pɛ nɛ, mà a Dɛnaa Lawa dɔ̃ wa. A giala, ǹ tumaa á re ma doɛ̃, a kũ ǹ bɔbɔnboɛɛn ganaa a wo ǹ gole yaa.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Zaã1 4:13

Wɔ bɛ́ siɛ lɔn wɔ dɔ̃, mà wɔ tá kun Lawa nɛ, a dɔ n kun wɔ dɔn nɛ, bɛ á ke: a na á ná a Yiri kɔ wɔ la.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.