Zaã1 2:17 - LAWA A BOO SONBORE 2011

¹⁷ A da yaa, kanaa kɛ n kiɛ̃ ka a yii bɔ màn li kɛ nɛ. Sɛnɛ, bɛ̀ min mɛn tá Lawa foo sii zɛnɛɛ, bɛ n goɛ̃ yǎa duduu.

LAWA A BOO SONBORE

¹⁷ A da yaa, kanaa kɛ n kiɛ̃ ka a yii bɔ màn li kɛ nɛ. Sɛnɛ, bɛ̀ min mɛn tá Lawa foo sii zɛnɛɛ, bɛ n goɛ̃ yǎa duduu.

Zaã1 2:17 ပူးပေါင်းရင်းမြစ်များ

Loen 102:26

N din nə ń kanaa kɛ zɛnaa lɛlɛ-lɛlɛ, n din gɔn a màn zɛnaa n ka lon kɛ dɔ nɛ.

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa

Loen 90:9

Taãn nɛ, n din a foo-yoo lɛ na á toa wɔa lɛawaan tá nyɛɛ. Wɔa lɛ̀n man nyɛɛ ka lɛ gɔ́ɔ̃ ǹ piɛ̃ bɛ́ lɔn.

Suusun 10:25

Koe n sii baraa-zɛnaali bii. Sɛnɛ min mɛn bɛ́ sii bǐɛ̃ zɛnɛɛ, bɛ goã n we tán miɛ̃ duduu.

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Marki 3:35

A giala, min mɛn bɛ́ Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 6:58

Buuru mɛn lɛ bɔ lon á daa, a din lɛ n ke. Bɛ̀ min mɛn bɛa buuru lɛ sɔ̃, bɛa dɛnaa yii á die goɛ̃ koo yǎa duduu. Ka digolon nə́ buuru tɔrɔ kɔ́n sɔ̃ lɛlɛ, sɛnɛ, ǹ nə́ gã. A laanka bɛa goon wa.»

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Korɛnti1 7:31

Min mɛnɛn bɛ́ dí nyɛɛ kanaa kɛ gɔ́ɔ̃ nɛ, ǹ ná a là yii, ǹ goã ka manə ǹ tɔn dí kɔ́n nya ǹ ná a là yɛ wa. A giala, kanaa kɛ bɛ́ yɔrɔ mɛn la, a re beleboe doo wa.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Zaaki 4:14

A da yaa, ka a màn kɔ́n dɔ doɛ̃ ka dinin wɔ gɔn la biɛ̃ ǹ sii gɔ́ɔ̃-n wa! A giala, ka a beleboe wa. Ka n ka furuməə bɛ́ lɔn, bɛ̀ á bɔ, boɛɛn nɛ gɔrɔ, a n papaɛ̃.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.