Zaã1 1:8 - LAWA A BOO SONBORE 2011

⁸ Bɛ̀ wɔ́ pɛ wáa sii baraa ba wɔ li wa, wɔ nə n dinin yiri siɛ̃, sonbore ba wɔ gɔ́ɔ̃-n wa.

LAWA A BOO SONBORE

⁸ Bɛ̀ wɔ́ pɛ wáa sii baraa ba wɔ li wa, wɔ nə n dinin yiri siɛ̃, sonbore ba wɔ gɔ́ɔ̃-n wa.

Zaã1 1:8 ပူးပေါင်းရင်းမြစ်များ

Kiin1 8:46

Ta Izirayeli minin lɛn man nə́ sã n ganaa, a giala min kɔn banban mà bɛ na a ba siɛ̃ wa, ta n foo na á yoo ǹ li, ń nə́ ǹ wɔ ǹ zɔ́ɔn gɔn, bɛn nə́ boo ǹ la ǹ nə́ ǹ baa bɛ̀rɛn lɛa, ǹ nə́ woo ǹ ne ǹ gána nɛ, ta gána lɛ á sɔsɔɔ hinlaa ta a sɔsɔɔ wa,

Kiin2 20:15

Izayii tɔ́n pɛ: «Ǹ yii na á wàa mɛn yɛ n kion?» Ezekiasi ná a lɛ si: «Màn mɛn din tumaa bɛ́ maa kion, ǹ yii yɛ. Ma gɔn màn kɔn din goã bɛ̀ man ma nyaa ǹ nɛ wa.»

KZS2 6:36

Ta maǹ nə́ sã n ganaa, a giala mà min kɔn banban mà bɛ ná a ba siɛ̃ wa, ta n foo na á yoo ǹ li, ń nə ǹ wɔ ǹ zɔ́ɔn gɔn, bɛn nə́ boo ǹ la ǹ nə́ ǹ baa bɛ̀rɛn lɛa, ǹ nə́ woo ǹ ne ǹ gána nɛ, ta gána lɛ á sɔsɔɔ hinlaa ta a sɔsɔɔ wa,

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 15:14

Minbuiin nɛ n siɛ lɔn, a tɔn goã *yoreen ne? Lɔ min mɛn yɛ, a n siɛ lɔn a tɔn goã pepere?

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 9:2

«Bɛ n taãn lɛa. Ma á doɛ̃ má a n miɛ̃. Sɛnɛ minbuiin nɛ din nə siɛ lɔn, a tɔn goã pepere Lawa yɔrɔ-a?

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Suusun 20:9

Die n boe la a pɛ: «Má n gɔ́ɔ̃ baa fu. Maa sii baraan nə́ n pii ǹ nə́ n bɔ ma ganaa.»

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 2:35

A laan bɛ yii ni, n nə n pii: «Zɛ̀rɛ ba ma-a wa. Dɛnaa Lawa a foo yoo kɛ á re n boe ma kio.» Sɛnɛ, n bɛ́ pii mà nsɛ sii kɔn zɛnaa baraa wa, man die kiri we n ganaa.

Lawa a wúlu-bɔlen 13:12

Sɛnɛ, bɛ̀ bɛa gɔ̀nɔn ki busu babaraa lɛ ná a giala kɔ á n soe a gɔ̀nɔn ganaa, ka a daa a busulə lɛ gɔ̀nɔn tumaa si a n kɔ lɛ, a saa a mìi ganaa a wo a gòãn yaa, Lawa a wúlu-bɔle lɛ din bɛ́ boe la a tá a paǹ mɛn yii,

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Rɔmu minin 3:10

Lawa a boo n pii: «Min din banban, a n boe la a n baa min pepere lɛa Lawa yɔrɔ-a wa.

Rɔmu minin 3:23

Min din tumaa zɛ̀rɛdɛnaa baa, Lawa gugurubaa mɛn kɔ ǹ la, bɛ nə́ n si ǹ tumaa la.

Korɛnti1 3:18

Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zaaki 1:22

Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

Zaaki 1:26

Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.

Piɛrɛ2 2:13

Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Zaã1 1:6

Bɛ̀ wɔ́ pɛ wáa wɔ n kaa-n kun ni, wɔ́ n tɔ we wɔlɔ tì dɔ li, wɔ ǹ soɛ boe ka wɔa boon ne, ka wɔa siin ni.

Zaã1 2:4

Bɛ̀ min mɛn pɛ, mà asɛ á doɛ̃, sɛnɛ a ná a ba a dí-pɛn lɛ sii wa, soɛ-bɔle n ka ǹ dɛnaa nɛ, sonbore ba a gɔ́ɔ̃-n wa.

Zaã1 4:20

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Zaã2 1:2

Sonbore mɛn bɛ́ wɔ nɛ, a n die goɛ̃ wɔ li yǎa duduu, man ka narɛ bɛ lɛ a lɛa.

Zaã3 1:3

Ma foo kɔɔ̃n kɔ parsiini, bɛ̀ wɔ dɔɔ̃nɔn kɔnɔn bɛ́ ǹ nə́ daa, ǹ nə́ pɛ ma nɛ, mà n tá bɔlɔgoondɛnaa lɛa sonbore wɔ paǹ li. A n miɛ̃ dɔn, n tá tɔ we sonbore gɔ́ɔ̃ nɛ.