Timote1 5:10 - LAWA A BOO SONBORE 2011

¹⁰ Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

LAWA A BOO SONBORE

¹⁰ Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 5:10 ပူးပေါင်းရင်းမြစ်များ

Siin Giala 18:4

Ka toa ǹ da mu boɛɛn kɔ ka la, ka n gòãn pii, ka n susu da kɛ giulun.

Siin Giala 19:2

Á pɛ: «Maa tii sonboren lɛn, ka bǐɛ̃ kɔ ka da bɔ maa kion, ka n gòãn pii, ka waa walan. Ka á re yui baayɛlɛ yiisoone, ka kaa zii tɔ wɔ.» Sɛnɛ, ǹ nə́ Lɔti lɛ si kɛnɛn: «Haayii. Wɔsɛn tá re wɛɛ kanaa.»

Siin Giala 24:32

Abrahamu a bɛ̀rɛgiĩ lɛ daa Laban a kion. Ǹ nə́ guĩ fore ǹ nə́ bɔ a nyɔɔmaan lɛn la, ǹ nə́ làpaa laanka buu kɔ ǹ la. Ǹ nə́ mu kɔ a din laanka a da zii wolen la, mà ǹ nə n gòã pii ni.

Siin Giala 43:24

Á ǹ kũ á woo ǹ ne Zozɛfu a kion, á daa ka mu ni, mà ǹ nə n gòãn pii, á buu kɔ ǹ dundunun la, mà ǹ sɔ̃.

Loen 119:4

N din a minin doroo ǹ boon kɛn ń kɔ, man giɛ, mà ǹ bɛn tamaa sɔnbɔraanɛ.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Lawa a wúlu-bɔlen 25:35

Bɛ̀ n mɛn a giɔ̀mɔ tá ǹ miã ganaa, bɛ̀ a gɔn nya a ná a boe la á sarɛɛ wa, n dɔ lɛ, màn mɛn bɛ́ toɛ, a dɔ la n li. Ta gùli n ka ǹ dɛnaa nɛ, hinlaa tii ni, ka zɛnaa miɛ̃ a wɔ paǹ li.

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 7:38

Lɔ lɛ nə́ n zuməə Yezu kio a gòãn li, bɛ̀ a n wuu pii, á n yii mu kiɛ Yezu gòãn ganaa. Bɛ kio a ná a narɛ ǹ sii zɛnaa, á n mìi ka kũ a ná a gòãn lɛn tuturu ni, á nyɔɔ gìĩ kɔɔ̃n lɛ kaa ǹ ganaa.

Luku 7:44

Yezu nə́ n yɔrɔ bɔyaa, á ga lɔ lɛ ganaa, á pɛ Simɔn nɛ: «N yii tá lɔ kɛ ganaa? Má wɔ n dinmaa lɛ a kion, n mu kaa masɛ gòãn ganaa wa, sɛnɛ, lɔ ke, bɛ na á masɛ gòãn basã ka a yii mu ni, bɛ kio á tuturu ka a mìi ka nɛ.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 22:12

Giĩ kɔ́n na á goã, a tɔ n Ananiasi. A na á goã nyɛ́ɛ biɛ Lawa yii ni, á n dí-pɛn lɛn bɔlɔ sii. Zuifun mɛnɛn tumaa goã walan, a tɔ sonbore na á goã bɛn tumaa lɛ-n.

Nya ǹ dín 6:3

Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.

Nya ǹ dín 9:36

Lɔ goon na á goã Zoopee kiwi, a na á goã Lawa-nyankɔle lɛa, a tɔ n Tabita, ka Grɛki bɔlɔ nɛ mà Dɔrkaasi, bɛ giala mà "Wore". Á goã zɛnaa ǹ sii sonboren zɛnɛɛ parsiini, á goã doobaan dɔn goe ka màn nɛ.

Nya ǹ dín 9:39

Piɛrɛ bɛ́ á bɛ ma lɔn gɔrɔ, á yoo á woo kun ka min paa lɛ nɛ. A bɛ́ á dɔ Zoopee kiwi, ǹ nə́ woo ne sanabolo kion kɛ nɛ. Lɔ giɔɔrɔ lɛ tumaa na á goã golee ne a yɔrɔ-a wuu pii, bɛ̀ ǹ nə́ dɔnkɛ bɔnboɛɛnɛn laanka a dadaran nyɛɛ nɛ, Dɔrkaasi goã mànan mɛnɛn zɛnɛɛ bɛ̀ a yii bɛ́ tɔn koo.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Timote1 2:10

Sɛnɛ, man giɛ li, máa ǹ nə n dinin là nyaa ka sii sonboren ne, ka lɔ nyɛ́ɛ baa Lawa n wole doamaa bɛ́ a zɛnaa lɔn.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 3:7

Min mɛnɛn bɛ́ ǹ ba Lawa a sɔmɔ minin lɛa wa, bɛn doamaa nɛ ǹ siére sonbore pɛ a wɔ gɔn la, màn mɛn bɛ́ toɛ, a yii baran goã puusə wa, Sɛtaan dɔ gɔn baran dɔ a ganaa wa.

Timote1 5:16

Bɛ̀ lɔ giɔɔrɔn tá lɔ golee Lawa li wole mɛn a kion, a doamaa nɛ a n dɔ ǹ lɛ. A doamaa bie a toa Lawa a sɔmɔ nə n toɛ̃ ka bɛn guĩ-n wa. Màn mɛn bɛ́ toɛ, lɔ giɔɔrɔ kɔsɔn mɛnɛn bɛ́ min ba ǹ la wa, a boo la a n dɔ bɛn lɛ.

Timote1 5:25

Zɛnaa ǹ sii sonboren lɛn dɔn man yii foaãnɛ miɛ̃. Haalɛ ta ǹ mɛnɛn ba yii foaã wa, ǹ ba boe la ǹ goã durii-n wa.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Timote2 3:17

Lawa a Boo lɛ n bɛ zɛnɛɛ, màn mɛn bɛ́ toɛ, Lawa a dí-nyali a sii lɛ pã, a boo la a dí sonbore tumaa nya.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 10:24

Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

Ebrəə 13:2

Ka yiri baran bɔ tiin kũ doɛ̃-n wa. Bɛ a zɛnaa barka nɛ, min tɛnɛn nə́ lon a dia dí-a wolen tiibaa kũ, ǹ nə́ ǹ dɔ̃ wa.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 4:9

Ka kɔn a tiibaa kũ bɛ̀ ka n ka a zùũzùũ sii wa.

Zaã3 1:12

Demetriyusu wɔ paǹ li, min tumaa na a tɔ bǐɛ̃ pii. Taãn dɔ nɛ ǹ tá pii. Wɔsɛn dɔn dinin tá a siéren biɛ. N tá doɛ̃ mà bɛ̀ wɔ siére mɛn pɛ, mà a n taãn lɛa.