Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timote1 1:10 - LAWA A BOO SONBORE 2011

10 A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

အခန်းကိုကြည့်ပါ။ ကော်ပီ

LAWA A BOO SONBORE

10 A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

အခန်းကိုကြည့်ပါ။ ကော်ပီ




Timote1 1:10
34 ပူးပေါင်းရင်းမြစ်များ  

Ǹ nə́ Lɔti bíi ǹ nə́ pɛ-n kɛnɛn: «Giĩn kɛn lɛn, ǹ nə́ daa n kion tèlò kɛ lɛ nɛ, maǹ maa? Ǹ waa n da soo ǹ ne, wɔsɛn nə ga ǹ li.»


Ka daa wɔ sã Isimayeli tɔrɔn kɛn la. Wɔ baran dɛ wa, a giala, wɔ dinin diɛ̃ nɛ, wɔ n mà goon.» Ǹ dinɛn lɛn ná a boo si.


Maǹ nə́ masɛ koã *Ebrəə gána nɛ, ǹ nə́ daa ka ma-n kànaa. Haalɛ kànaa lɛ dɔ din ni, ma sii kɔ́n zɛnaa, da kòso ne ǹ sii lɛa wa.»


- N baran n Dɛnaa Lawa tɔ bíi sii kooron ganaa wa. A giala, masɛ Dɛnaa ba bɛa min kɛ toɛ dɔlɔ baã wa.


Bɛ̀ min min koã, á sã hinlaa maǹ nə́ kũ a gɔn, ǹ bɛa min-koãli lɛ dɛ a gã.


Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.


Min kɔn baran toa a giã kun ka giĩ ni, ka ǹ bɛ́ giɛ̃ kun ka lɔ-n lɔn wa. Bɛ̀ min mɛn bɛ zɛnaa, sii bɔbɔnɛɛ nɛ.


Bɛ̀ giĩ mɛn giã kun ka ǹ miã giĩ ni, ka ǹ bɛ́ giɛ̃ kun ka lɔ-n lɔn, sii bɔbɔnɛɛ nɛ, ǹ dinin paanan nə́ zɛnaa. Ǹ nə ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.


Dɛnaa Lawa Pàãyiidɛnaa a da ǹ boo á ke: «Man má bɛa lɛn baraa kɛ bíi máa a wɔ wurumunun kion ka min mɛn tumaa bɛ́ n liɛ soɛ la ka masɛ tɔ nɛ. A n die goɛ̃ a tan, a màn tumaa ziziɛ̃, haalɛ kion a mɛnɛn dinin ka a kɔlɔn nɛ.»


Ka nyan taasiɛ baraa wɔ kɔn a paǹ li wa. Ka nyan nə n liɛ soɛ la wa. Bɛa sii bɔbɔnɛɛn kɛn lɛn ba ma foo sii wa. Dɛnaa Lawa a da ǹ boo ne.


Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.


Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.


Bɛ lɛ taman yii, Lawa nə́ ǹ toa ǹ dinin sìi sii zɛnaan gɔn. Lawa giĩ laanka lɔ sii mɛn yɔrɔ bɔ, ǹ lɔn nə́ bɛ bɔyaa. Siin mɛnɛn bɛ́ ǹ ba kɔnboe ka zɛnaa-n wa, maǹ bɛn zɛnɛɛ.


Bɛ̀ Izirayeli min mɛn ná a din miã Izirayeli min koã, a na á baa bɛ̀rɛ lɛa hinlaa a na á sã, bɛa wurumu lɛ doamaa-n ka gɛ̀ nɛ. Ka zɛnaa miɛ̃, màn mɛn bɛ́ toɛ, ka sii baraa bɔ ka bɔ ka bii.


N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.


Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.


N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.


A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.


A boo mɛn da ke, sonbore ne. Bɛ lɛ a lɛa, boo woɛ̃ ǹ ganaa ka n parsii ni, ń giɛ ǹ tá goleemali pepere yii.


Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.


Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.


Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.


dù wùsu tɔrɔ gigiã nɛ, nyɔɔ gìĩ kɔɔ̃n tɔrɔ gigiã laanka gón gìĩ kɔɔ̃n nɛ, duvɛ̃ nɛ, nyɔɔ nɛ, wùsu ni, ka *belee ne, diin ni, sèren ne, sùin ni, wotoron ne, ka minbuiinin dinin ni ǹ nə́ ǹ siɛ̃ bɛ̀rɛn lɛa.


Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.


Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»


Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ