Timəə dí-pɛn 7:2 - LAWA A BOO SONBORE 2011

² Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

LAWA A BOO SONBORE

² Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Timəə dí-pɛn 7:2 ပူးပေါင်းရင်းမြစ်များ

Siin Giala 14:20

Asɛ mɛn bɛ́ á n zɔ́ɔn wɔ n gɔn, a tɔ die a bɔ.» Abramu mànan lɛn tumaa a fùbaa ǹ wɔ bɔ, á kɔ la.

Samayeli2 21:2

Kii Gabawɔ̃ minin lɛn bii á boo da ǹ nɛ. Gabawɔ̃ minin lɛn bie Izirayeli tɔrɔn lɛa wa. Sɛnɛ, Amɔɔrɔ tɔrɔn kɛn gialakunun manɛ. Izirayeli minin lɛn man nə́ goã ǹ nə́ n lɛ kɔ ǹ la, mà ǹsɛn tá re ǹ tamaɛ, mà ǹsɛn ba re ǹ dii wa. Sayulu sɛ na á n tã bɛ lɛ yii la, á goã giɛ ǹ li ǹ dii. A giala, a na á goã yɔ boe Parsiini, Izirayeli minin lɛn laanka Zudaa minin lɛn sii a wo nyɛɛnɛ a lɛa.

Kiin1 20:34

Bɛ kio, Bɛn-Adaadi pɛ nɛ: «Ma di goã á bǎãn mɛnɛn si n di la, man bɛn koe n la. N die n pii kɔ ǹ bǎã doa Damaasi kiwi, ka ma di goã á doa lɔn Samarii kiwi.» Akaabu na a lɛ si mà lɛ kɔ kɔn la n die yii asɛ tɔn nə n gɔn bɔ-a a woo. Akaabu lɛ kɔ kɔn la doa kɔn nɛ, á toa á woo.

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Loen 106:34

Dɛnaa Lawa na á pɛ dɔn, mà ǹ Kanaan gána minin dɛ ǹ gã, ǹ bɛ dɔ zɛnaa wa.

Bɔ bɛ̀rɛbaa nɛ 22:20

Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Minin nimi 21:2

Bɛ kio, Izirayeli minin lɛn nə́ n lɛ kɔ Dɛnaa Lawa la ǹ nə́ pɛ: «Bɛ̀ ń lɛ kɔ ń tɔrɔ kɛa minin wɔ wɔsɛn gɔn, wɔsɛn manə ǹ kiwin tumaa bɔ̀n biɛ lenlen.»

Minin nimi 31:17

Kanna kəni, ka Madiã minin lɛn nɛginin tumaa dɛ ka ǹ lɔn mɛnɛn tumaa giã kun ka giĩ ni.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Timəə dí-pɛn 13:8

Tɔrɔ kɔsɔn mɛnɛn lɛn bɛ́ ka lɛnpɛnɛ, ta ǹ wɔlɔ n kunu hinlaa a n sɔsɔɔ, a saa kanaa paǹ goon ganaa a wo a paǹ kɔsɔ yaa, bɛn lɛn lawan manɛ.

Timəə dí-pɛn 13:9

Min mɛn da n sɔmɔ, n nyan lɛ kɔ la wa, n nyan nə too din kɔ a lon wa. N nyan toa n makara bɔ-a wa, n nyan toa a makara din nə n kũ wa, n nyan nə n kɔ lɛ wa.

Timəə dí-pɛn 19:13

Ka nyan makara bɔ a ganaa duduu wa. Min mɛn lɛ zɛ̀rɛbaãnaa lɛ mà kaa, ka bɛ lɛ bɔ ka bɔ ka bii, màn mɛn bɛ́ toɛ, kaa wɔ bǐɛ̃ kɔ.

Timəə dí-pɛn 2:33

Sɛnɛ, wɔa Lawa, Dɛnaa Lawa lɛ wɔ wɔ gɔn. Wɔ́ boo la, a din ni, a nɛnyaanan nɛ, ka a zaman lɛ tumaa nɛ.

Timəə dí-pɛn 2:34

Wɔ́ a kiwin lɛn tumaa kũ bɛa waáraa kɛ lɛ nɛ, wɔ́ ǹ tumaa yu lenlen: giĩn ni, lɔn nɛ ka nɛnyaanan nɛ, wɔ́ bɛn dɛ. Wɔ min goon din yii toa koo wa.

Timəə dí-pɛn 23:14

Yala fɔ̃ ǹ màn doamaa nɛ a goã kun ka zia-baalin lɛn gogoonmaa a mànan nɛ. Bɛ̀ ǹ mɛn woo gòɛrɛ kɔ, a yala fɔ̃ nɛ, bɛ kio a tii nyanaa nɛ, bɛ̀ a kɔ a gòɛrɛ lɛ.

Timəə dí-pɛn 25:12

ka bɛa lɔ lɛ gɔn kuru. Ka nyan toa ka makara bɔ a ganaa wa.

Timəə dí-pɛn 3:3

Wɔa Lawa, Dɛnaa Lawa lɛ tɔ́n Basanan kii Ɔgu dɔ wɔ wɔ gɔn, ka a zaman tumaa nɛ. Wɔ́ ǹ dɛ wɔ́ ǹ nya, haalɛ wɔ min goon din toa-n wa.

Timəə dí-pɛn 31:5

Dɛnaa Lawa á re ǹ we ka gɔn. Ma pɛ ka-n lɔn, ka ǹ baa miɛ̃.

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Timəə dí-pɛn 9:3

Ka dɔ̃ pelo, mà kaa Lawa, Dɛnaa Lawa lɛ din nə die miɛ̃ ka nyɛɛnɛ, ka tɛ á ke màn kuĩ lɔn. A din nə die ǹ dii, a ǹ kaa tán ka nyɛɛnɛ. Ka á re ǹ lui, ǹ papaã ǹ nə n bɔ walan bǎã goon, ka Dɛnaa Lawa bɛ́ á n lɛ kɔ ka la lɔn.

Zozoe 10:28

A din pinaa kɛ lɛ nɛ, Zozoe Makedaa kiwi kũ. Kiwi lɛ a kii ni, ka min mɛn tumaa goã kiwi lɛ nɛ, á bɛn dɛ. A toa min goon din la wa. A goã á sii mɛn zɛnaa Zerikoon kii ni, a na á bɛ lɛ miã zɛnaa Makedaan kii lɛ dɔ nɛ.

Zozoe 10:30

Dɛnaa Lawa bɛa kiwi lɛ dɔ laanka a kii wɔ Izirayeli minin lɛn gɔn. Min mɛn tumaa goã kiwi lɛ nɛ, ǹ nə́ bɛn dɛ. Ǹ min goon din toa kiwi lɛ nɛ a yii n koo wa. Ǹ goã ǹ nə́ sii mɛn zɛnaa Zerikoon kii ni, maǹ nə́ bɛ lɛ miã zɛnaa ǹ dɔn kii lɛ nɛ.

Zozoe 10:32

Dɛnaa Lawa Lakiisi kiwi wɔ Izirayeli minin lɛn gɔn. A lɛawaa paabaa ǹ wɔ pinaa, ǹ nə́ kiwi lɛ kũ. Min mɛn tumaa goã kiwi lɛ nɛ, ǹ nə́ bɛn dɛ. Ǹ goã ǹ nə́ sii mɛn zɛnaa Libnaa kiwi ni, maǹ nə́ bɛ lɛ miã zɛnaa ǹ dɔn manɛ.

Zozoe 10:40

Zozoe boo gána lɛ tumaa la á kũ: Kele yii bǎã kɛ nɛ, gusin a lɛ̀gɔn la bǎã kɛ nɛ, diə bǎã kɛ nɛ ka kele gòã lasa bǎãn kɛn nɛ. Á ǹ kiin tumaa dɛ. A min goon yii toa koo wa. A laanɛ, màn mɛn tumaa bɛ́ piɛ̃ sii, a na á bɛ tumaa ziziɛ̃ lenlen, ka Dɛnaa Lawa, Izirayeli minin Lawa lɛ goã á pɛ-n lɔn.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 11:8

Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

Zozoe 2:14

Giĩn lɛn nə́ tɔ́n pɛ nɛ: «Wɔsɛn tá re wɔ dinin koe n lɛa. Yǎa n baran wɔsɛn boo da min ni wa. Bɛ̀ Dɛnaa Lawa gána lɛ kɔ wɔ la ǹ mɛn waáraa, wɔ á re koe wɔ bɔlɔ lɛ, wɔ bǐɛ̃ zɛnaa n nɛ.»

Zozoe 21:44

Dɛnaa Lawa là nyantoro kɔ ǹ la paǹ tumaa li, ka a bɛ́ á goã á pɛ ǹ digolon man lɔn. Ǹ zɔ́ɔn lɛn tumaa, ǹ kɔn boo la á golee ǹ nyɛɛn wa. Dɛnaa Lawa nə́ ǹ zɔ́ɔn lɛn tumaa wɔ ǹ gɔn.

Zozoe 8:24

Izirayeli minin nə́ Ayii minin lɛn tumaa dɛ don. Ayii minin lɛn nə Izirayeli minin kio loo, ǹ nə́ woo ǹ koa bǎã mɛn nɛ ke lɛn, Izirayeli minin lɛn nə́ ǹ tumaa dɛ walan yǎa ǹ nə́ nya. Bɛ kio, Izirayeli minin lɛn tumaa nə́ n bɔyaa ǹ nə́ daa Ayii kiwi, ǹ nə́ kiwi minin gialakunun kɛn dɔn dɛ.

Zozoe 9:24

Ǹ nə́ tɔ́n Zozoe lɛ si ǹ nə́ pɛ nɛ: «Ǹ tá goɛ̃ bɛ̀ ǹ pɛ wɔsɛn man foaã nɛ mà Dɛnaa Lawa lɛ, n Lawa lɛa, mà bɛ na á goã á pɛ a dí-nyali Muizu ni, mà asɛ á re gána lɛ tumaa koe ka la, mà ka die ka gána lɛ a minin tumaa dɛ, ka ǹ bɔ ka nyɛɛnɛ. Bɛ lɛ na á nyɛ́ɛ gole da wɔsɛn ganaa. Bɛ lɛ na á toa wɔ́ zɛnaa kɛnɛn, wɔ́ ga wɔ dinin nyin li.

Zozoe 9:7

Izirayeli minin nə́ pɛ Evii tɔrɔn lɛn manɛ mà kɔntan ǹ giã ǹ bǎã din wɔlɔ á kunu ǹsɛn ganaa. Bɛ̀ á miɛ̃, mà ǹsɛn man siɛ lɔn ǹ tɔn lɛ kɔ kɔn la wɔ ka ǹ nɛ?

Sii yɔrɔ-bɔlen 1:24

Ga bǎã ganaa wolen lɛn nə́ giĩ goon yɛ soe kiwi lɛ gɔ́ɔ̃ nɛ. Ǹ nə́ pɛ nɛ: – Bǐɛ̃ kɔ n kiwi lɛ a wɔ ǹ bǎã nyaa wɔsɛn manɛ, wɔ á re bǐɛ̃ zɛnɛɛ n nɛ.

Sii yɔrɔ-bɔlen 1:4

Zudaa tɔrɔ minin nə́ woo, Dɛnaa Lawa dɔ Kanaan minin laanka Perɛzi tɔrɔn wɔ ǹ gɔn. Ǹ nə́ ǹ giĩ duu fù (10 000) dɛ Bezɛki gána nɛ.

Sii yɔrɔ-bɔlen 2:2

Kasɛn dɔn, ka nyan toa ka lɛ kɔ kɔn la wɔ ka gána kɛa minin ni wa. Wúlu bɔ ǹ bǎãn kɛn, ka bɛn yu. Sɛnɛ, ka n too kɔ masɛ lon wa. Wàa mɛn sii n ka kɛ nɛ ka zɛnaa?