Timəə dí-pɛn 4:9 - LAWA A BOO SONBORE 2011

⁹ Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

LAWA A BOO SONBORE

⁹ Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 4:9 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 23:13

Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Suusun 1:8

Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Suusun 3:21

Maa nɛ, n gɔn paraa yiridɛnaabaa laanka sii bɔkɔnlɛ ganaa. N nyan nə n na ǹ ganaa duduu wa.

Suusun 7:1

Maa nɛ, n yiri koa maa boon kɛn li, n maa doroon kɛn tamaa parsiini.

Izayii 38:19

Yiikoonaan, hiĩ yiikoonaan dininsɔɔ̃nɔn manə n tɔ boe, ka masɛ á ke lɔn pelo. Díin tá re n bɔlɔgoodɛnaabaa nyɛɛ ǹ nɛnyaanan manɛ.

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Zeremii 17:21

Dɛnaa Lawa n kɛ pii: «*Susu ǹ pii pinaa, ka yiri bɔ ka dinin li. Ka nyan guĩ saa bɛa pinaa, ka bɔ ka Zeruzalɛmu kiɛnlɛn lɛn nɛ wa.

Luku 8:18

Bɛ lɛ tɔ ganaa, ka yiri bɔ ka dinin too kɔ ǹ gɔn li. A giala màn bɛ́ min mɛn lon, kɔsɔ á re n diɛ bɛa dɛnaa wɔ li, màn boɛɛn bɛ́ min mɛn lon, a ná a ba giɛ a màn da li wa, bɛ lɛ dɔ á re n sii la.»

Efɛɛzi minin 6:4

Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Timəə dí-pɛn 11:19

Ka die ka a boo da kaa nɛnyaanan manɛ, ka ǹ daraa a ganaa, ta ka n giã-n tán kaa kion, ta ka n tɔ we zii la, kaa waa tán waáraa nɛ, kaa yoo lon waáraa nɛ.

Timəə dí-pɛn 12:1

Landa boon laanka sii yɔrɔ bɔ ǹ boon lɛn man ka kɛn nɛ. Ka digolon Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka die ka n yiri koa li, ka bɛn tamaa walan, kaa tá kanaa lɛawaan tumaa gɔ́ɔ̃ nɛ.

Timəə dí-pɛn 16:3

Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

Timəə dí-pɛn 17:19

Bɛa sɛ́wɔ lɛ n die goɛ̃ a li, bɛ̀ a pɛ baraabaraa, a yiikoonaabaa tumaa gɔ́ɔ̃ nɛ. A doamaa nɛ, a bɛa dí-pɛ lɛ a boon tumaa laanka a landa boon tumaa tamaa, màn mɛn bɛ́ toɛ, a n daraa nyɛ́ɛ baa a Lawa, Dɛnaa Lawa-n ganaa.

Timəə dí-pɛn 31:19

Sisia kəni, man die loe nyɛɛ ka nɛ ka kiɛ̃. Muizu ganaa, Izirayeli minin lɛn daraa bɛa loe lɛ a lɔ ganaa, yǎa ǹ boe la ǹ loe. Bɛa loe lɛ n die siére biɛ ǹ ganaa masɛ wɔ paǹ li.

Timəə dí-pɛn 32:46

á pɛ ǹ nɛ: «Ma boon mɛnɛn tumaa pɛ ka-n pelo, ka ǹ kũ ka parsiini. Ka dɔn die ka pɛ ka laa kaa nɛnyaanan ganaa, màn mɛn bɛ́ toɛ, ǹ nə n yiri koa dí-pɛ kɛ lɛ a boon tumaa li ǹ kɔ ǹ lɛ.

Timəə dí-pɛn 4:10

Dɛnaa Lawa na á goã á pɛ ma nɛ, mà ma zaman lɛ sɔkɔn ma kɔ asɛ la. Mà asɛ n die a lɛ gɔ́ɔ̃ ǹ boo pii ǹ ni, màn mɛn bɛ́ toɛ, ǹ nə n daraa asɛ guguru kɔ ǹ gɔn ganaa, ǹ yiikoonaabaa tumaa gɔ́ɔ̃ nɛ, ǹ na a yɔrɔ nyaa ǹ nɛnyaanan dɔn manɛ. A bɛ́ bɛa boo kɛ lɛ diɛ ma nɛ ǹ mɛn pinaa, ká goã goleene kaa Lawa, Dɛnaa Lawa lɛ yɔrɔ-a, Orɛbu.

Timəə dí-pɛn 4:15

Ka yiri bɔ ka dinin li taãn-taãnɛ. A giala, Dɛnaa Lawa bɛ́ tɛ bii á n boo diɛ ka nɛ Orɛbu kele lɛ la ǹ mɛn pinaa, ka a dinmaa yɛ ka yii-n wa.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Timəə dí-pɛn 6:20

Bɛ̀ kaa nɛnyaanan nə́ nɔ̀n da ka la ǹ mɛn pinaa: «Mà wàa na á baa, wɔa Lawa, Dɛnaa Lawa doroo ǹ boon kɛn kɔ ka la, ka landa boon laanka sii yɔrɔ bɔ ǹ boon kɛn nɛ,»

Timəə dí-pɛn 6:7

Ka die ka a boo da kaa nɛnyaanan manɛ ka ǹ daraa a ganaa. Ta n nə giã-n tán, ta n nə n zii tɔ we, n waa tán waáraa nɛ, n yoo waáraa nɛ, n die n bɛ lɛ pɛ.

Timəə dí-pɛn 8:11

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, a sii yɔrɔ bɔ ǹ boon laanka a landa boon ne, ka yiri bɔ, ka nyan bɛn da ka gɔn para-a, n ka yiri yǎa kiɛ̃ boe ka kaa Lawa, Dɛnaa Lawa lɛ-n wa.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Zaaki 2:22

Táa ń yɛ: Goleemali laanka a zɛnaa ǹ siin lɛn man nə́ goã dí nyɛɛ kun. Zɛnaa ǹ siin lɛn man nə́ goleemali lɛ lɛ pã.

Zozoe 1:18

Min mɛn bɛ́ re n piɛ̃ ka n da ǹ boo ne, n bɛ́ re dí mɛn tumaa koe wɔ la, min mɛn bɛ́ re n bɔlɔ tii bɛ gɔ́ɔ̃ nɛ, wɔ́ á re bɛa dɛnaa dii a gã. Yǎa nsɛ nə n gù we yii n nə n foo taã!»

Zozoe 23:11

Bɛ lɛ nɛ, ka n yiri koa ka dinin li taãn-taãnɛ, ka kaa Lawa, Dɛnaa Lawa lɛ narɛ.

Zozoe 4:21

Á tɔ́n boo da ka Izirayeli minin lɛn nɛ á pɛ ǹ nɛ mà bɛ̀ ǹ nɛnyaanan nə́ nɔ̀n da ǹ la ǹ mɛn pinaa, mà kɔlɔn kɛn man wàa mɛn sii giala pii,

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

Sii yɔrɔ-bɔlen 8:34

Izirayeli minin nə n yiri kɔ Dɛnaa Lawa li doo wa. A din Lawa lɛ dɔ na á goã á ǹ si ǹ zɔ́ɔn lɛn tumaa la, ǹ mɛnɛn nə goã ǹ lɛnpɛnɛ.