Timəə dí-pɛn 11:8 - LAWA A BOO SONBORE 2011

⁸ Ma bɛ́ gɔn waa ǹ boon mɛnɛn tumaa pii ka nɛ pelo, ka bɛn tamaa. Bɛ á re toɛ ka pàã yɛ, ka bɛ́ re kiɛ̃ ka kaa gána mɛn lɛ nɛ, ka boo la ka si ka baa kaa wɔ lɛa.

LAWA A BOO SONBORE

⁸ Ma bɛ́ gɔn waa ǹ boon mɛnɛn tumaa pii ka nɛ pelo, ka bɛn tamaa. Bɛ á re toɛ ka pàã yɛ, ka bɛ́ re kiɛ̃ ka kaa gána mɛn lɛ nɛ, ka boo la ka si ka baa kaa wɔ lɛa.

Timəə dí-pɛn 11:8 ပူးပေါင်းရင်းမြစ်များ

Loen 138:3

Ma bɛ́ má lɛ dia n la ǹ mɛn pinaa, ń nə́ n nyəə ma la. Ń ma foo taã, ń màn da ma pàã li.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Danayeli sɛ́wɔ 10:19

Á tɔ́n pɛ ma nɛ: «N baran nyɛ́ɛ baa wa, n sii á kɔɔ̃n Lawa ganaa. Là nyantoro die a giã n li! N gù we yii, n nə n foo taã! A bɛ́ a gialaa boo diɛ ma nɛ, ma gù wusoo á kaa.» Má tɔ́n pɛ: «Maa dɛnaagiĩ, boo da, a giala, n ma gù kaa.»

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 11:7

Taãn nɛ, bɛa sii dadaran kɛn lɛn Dɛnaa Lawa nə́ ǹ zɛnaa, ka dinin yii na á ǹ yɛ.

Timəə dí-pɛn 28:47

Ka bɛ́ re goɛ̃ kiɛ̃ nɛ ǹ mɛn waáraa, bɛ̀ ka dí nya kaa Lawa, Dɛnaa Lawa lɛ n bɛa waáraa ka nyɛnyɛɛ laanka foo sonbore-n wa,

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Timəə dí-pɛn 4:14

Bɛa waáraa kɛ lɛ nɛ, Dɛnaa Lawa nə́ n gɔn waa ma dinmaa nɛ, mà ma ka daraa Landa boon laanka sii yɔrɔ bɔ ǹ boon lɛn ganaa. Ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa, ka doamaa nɛ, ka kɔ bɛa boon lɛn lɛ walan.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,