Tiitii 2:2 - LAWA A BOO SONBORE 2011

² A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

LAWA A BOO SONBORE

² A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Tiitii 2:2 ပူးပေါင်းရင်းမြစ်များ

Zɔbu 12:12

Sii-doɛ̃ n min golen wɔ lɛa, sii bɔkɔnlɛ n min zizin wɔ lɛa.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Suusun 16:31

Nyin sasa n saraa sonbore lɛa, min mɛnɛn bɛ́ sii sonbore zɛnɛɛ, bɛn man yii.

Izayii 65:20

Nɛnyaan tiɛɛ̃n ba re yii, a ná a beleboe wa. Min zizin ba re giɛ̃, bɛ̀ ǹ nə́ ǹ zizi kɔ wa. Min mɛn bɛ́ re giɛ̃ ten, bɛ n die goɛ̃ lɛ̀ paabiɛ. Bɛ̀ min mɛn gã a ná a dɔ lɛ̀ paabiɛ wa, bɛ n goon ka lɛn baraa bíi ni.

Lawa a wúlu-bɔlen 19:32

Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.

Marki 5:15

Ǹ bɛ́ ǹ nə́ dɔ Yezu li, nɔ̀ɔn gigiã bɛ́ á goã giĩ mɛn ganaa, ǹ nə́ woo yaa giã-n tán ka mɔnaan nɛ a ganaa, a yiri lɛpiɛ̃maa nɛ. Nyɛ́ɛ nə́ ǹ kũ.

Luku 8:35

Minin nə́ soo ǹ nə́ daa ga bɛa sii kɛ lɛ ganaa. Ǹ nə́ dɔ Yezu li, ǹ nə́ yɛ nɔ̀ɔn baraan lɛn nə́ n bɔ giĩ lɛ ganaa. Ǹ nə́ giĩ lɛ yɛ giã-n tán-a Yezu li, mɔnaan ná a ganaa, á n minbuiin yii kɔɔ̃n-a dɔ lɛa tán. Nyɛ́ɛ minin lɛn kũ.

Nya ǹ dín 24:25

Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Korɛnti1 9:25

Bɛ̀ baa-silin tá daraa ǹ bǎã nɛ, maǹ kɔn lɛ si ǹ sii kakan diɛ ǹ dinin mìi ni, saraa ǹ màn mɛn bɛ́ a beleboe wa, ǹ tá giɛ bɛ li. Sɛnɛ, saraa ǹ màn mɛn bɛ́ re goɛ̃ a ná a ziziɛ̃ wa, wɔsɛn man zɛnɛɛ wɔ á giɛ bɛ li.

Korɛnti2 5:13

Bɛ̀ man mìi webaã sii zɛnɛɛ, bɛ ǹ ma din bii ni ka Lawa nɛ. Sɛnɛ, ma bɛ́ sii mɛn zɛnɛɛ kasɛn nɛ, mìi webaã sii bie wa.

Galaasi minin 5:23

foo-basiɛ̃ nɛ ka boomadinla nɛ. Dí-pɛn ba yɔ boe bɛa sii kɛ miã kɔ́n ganaa wa.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Tesaloniki1 5:6

Bɛ lɛ nɛ, wɔ baran nyuù wɔ ka min gialakunun bɛ́ lɔn wa, sɛnɛ, wɔ n yii dɔraa wɔ yii goã kɔɔ̃nɛ.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Timote1 1:2

Masɛ n sɛ́wɔ kɛ diɛ nsɛ Timote la, nsɛ mɛn bɛ́ maa nɛ taãn-taãn lɛa golee Lawa li gɔ́ɔ̃ nɛ. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Timote1 3:11

Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 3:4

A doamaa nɛ a boo a din a kion la, a tamaa sɔnbɔraanɛ, a toa a nɛnyaanan na a bɔlɔ ma, ǹ na a guguru kɔ.

Timote1 3:8

Lawa a sɔmɔ dí-nyalin dɔn doamaa nɛ ǹ goã min yii guguru-an lɛa, koe ǹ da ǹ boo lɛ. Ǹ doamaa bie ǹ duvɛ̃ mi a la yii-n wa, ǹ baran ga màn li yɔrɔ baraa la wa.

Timote1 5:1

N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

Tiitii 1:13

A boo mɛn da ke, sonbore ne. Bɛ lɛ a lɛa, boo woɛ̃ ǹ ganaa ka n parsii ni, ń giɛ ǹ tá goleemali pepere yii.

Tiitii 1:8

Yǎa ǹ dɛnaa goɛ̃ tiin kũ doɛ̃ wole lɛa, á n sii sonbore narɛ. Yǎa á goɛ̃ mìiwedɛnaa lɛa, min pepere lɛa, Lawa wɔ lɛa, a boo la a n din kũ doɛ̃.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.