Tiitii 2:11 - LAWA A BOO SONBORE 2011

¹¹ A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

LAWA A BOO SONBORE

¹¹ A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Tiitii 2:11 ပူးပေါင်းရင်းမြစ်များ

Loen 67:2

Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 96:10

Ka pɛ tɔrɔ tumaa nɛ: Dɛnaa Lawa lɛ n kii lɛa, bɛ lɛ nɛ kanaa lɛ á golee ne, a ná a ba talɛɛ wa. Dɛnaa Lawa lɛ n kiri we minin-a, ka peperebaa nɛ, a ba bɔkɔnlɛ we wa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zakarii 4:7

Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 13:43

Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Rɔmu minin 5:15

Sɛnɛ, Aadã laanka bɛa min kɛ lɛ ba goon yɔrɔ tumaa la wa. A giala, Lawa bǐɛ̃baa ǹ màn mɛn kɔ wɔ la kooro ke, bɛ á tɔtɔ ka Aadã a sii baraa kɛ nɛ. Aadã goon toto kɛ a Lawa bɔlɔ-tii a lɛa nɛ, minbuiin tumaa á giɛ̃. Sɛnɛ, Yezu Krita goon toto kɛ dɔ barka nɛ, Lawa bǐɛ̃ zɛnaa wɔsɛn tumaa nɛ á la yii ni.

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 2:21

Ma bie Lawa a bǐɛ̃ kɛ biɛ sii kooro lɛa wa. A giala, bɛ̀ Lawa n lɛ koe min ganaa min pepere lɛa dí-pɛn gɔ́ɔ̃ nɛ, bɛ̀ Krita a gɛ̀ n goɛ̃ sii kooro lɛa kəni.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Efɛɛzi minin 2:8

Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Timote1 2:4

Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.