Tiitii 1:6 - LAWA A BOO SONBORE 2011

⁶ Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

LAWA A BOO SONBORE

⁶ Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

Tiitii 1:6 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Suusun 28:7

Nɛnyaan mɛn bɛ́ koe dí-pɛn lɛ, yiridɛnaa nɛ. Sɛnɛ, n mɛn bɛ́ koe sii baraa zɛnaa wolen lɛ, a n sìi diɛ ǹ di ganaa.

Ezekieli 44:22

Lɔ mɛn bɛ́ lɔ giɔɔrɔ lɛa, hinlaa ǹ mɛn zuũ bɛ́ á loo, ǹ nyan toa ǹ bɛ wɔ lɔ lɛa wa. Yǎa nɛniɛ mɛn bɛ́ a giĩ doɛ̃ wa, Izirayeli tɔrɔ lɛa. Wúlu-bɔle mɛn bɛ́ á gã, ǹ tá boe la dɔn ǹ bɛa lɔ saa.

Lawa a wúlu-bɔlen 21:14

A baran lɔ giɔɔrɔ saa lɔ lɛa wa, lɔ mɛn bɛ́ ǹ zuũ daa, a baran bɛ saa wa, ka ǹ mɛn dɔ bɛ́ á kɔrɔbaa zɛnaa, á n din ziziɛ̃ nɛ. Sɛnɛ, a na a din tɔrɔ wúlu-bɔlen kɛn nɛlɔ saa a lɔ lɛa,

Lawa a wúlu-bɔlen 21:7

Lɔ kɔrɔ nɛ, lɔ mɛn dɔ bɛ́ á saa lɛlɛ á giĩ kɔsɔ dɔ̃, ka ǹ mɛn dɔ bɛ́ ǹ zuũ loo, Lawa a wúlu-bɔle doamaa bie a bɛ kɔn saa lɔ lɛa wa. A giala, masɛ Lawa n má wúlu-bɔle lɛ bɔ má koa ma din a dí-nyali lɛa.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Luku 1:5

Zuifun gána a kii Erɔdi a biikoo li, giĩ goon na á goã, a tɔ n Zakarii. A na á goã Lawa a kion wúlu-bɔle goon lɛa, a na á goã kun ka Abiya tɔrɔ a kuru wúlu-bɔlen ne. A lɔ dɔ na á goã wúlu-bɔlen tɔrɔ lɛa, a tɔ n Elizabɛti.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Timote1 1:9

Sɛnɛ, wɔ ǹ siĩni wɔ kɛ giala ma. Landa bie á n koa sii sonbore-zɛnaalin taman yii wa. A na á n koa landa tamaabaã wolen taman yii ka piã-wɔlen ne, Lawa bɔlɔ tii wolen ne, sii baraa-zɛnaalin ni, yii wɔ Lawa la wolen laanka zín bɔ Lawa-n wolen ne, ka díi laanka náa-dɛlen ne, ka gɛ̀-dɛlen tumaa nɛ.

Timote1 3:12

Lawa a sɔmɔ dí-nyalin doamaa nɛ ǹ goã lɔ goondɛnan lɛa, ǹ nə́ boe ǹ nɛnyaanan tamaa la sɔnbɔraanɛ, ka ǹ dinin kion ne.

Tiitii 1:10

Sonbore, min mɛnɛn bɛ́ ǹ ba bɔlɔ sii wa, ǹ nə́ boo kooro-dalin lɛa, ka minin yiri-sãlin ni, bɛn tá mɔnaa nɛ, sanparɛ Zuifun dinin bii kəni.

Samayeli1 2:11

Ɛlkaana nə́ n bɔyaa á woo piɛ Ramaa. Nɛ lɛ sɛ goã dí nyɛɛ Dɛnaa Lawa nɛ, Lawa a wúlu-bɔle Yiili giulun.

Samayeli1 2:22

Yiili goã á zizi kɔ parsiini. A nɛgiĩn lɛn nə goã sii mɛn zɛnɛɛ Izirayeli minin tumaa nɛ, á bɛa boo ma minin lɛ-n. Lɔn mɛnɛn nə goã soe-n kɔn kɔn yɛ ǹ kion kɛa kiɛnlɛ-a, á ma dɔn mà ǹ nə́ goã giɛ̃ kun ka bɛn nɛ.