Tiitii 1:12 - LAWA A BOO SONBORE 2011

¹² Ǹ dinin Krɛtin bɛ́ min mɛnɛn bíi Lawa a boo gii-dalin, bɛn goon na á pɛ mà Krɛtin man soɛ-bɔlen lɛa lɛlɛndun, ǹ nə́ don màn babaraan lɛa. Mà maǹ yoobaalin lɛa, ǹ nə́ n taasɛ màn-bii dinsɔɔ̃ ganaa.

LAWA A BOO SONBORE

¹² Ǹ dinin Krɛtin bɛ́ min mɛnɛn bíi Lawa a boo gii-dalin, bɛn goon na á pɛ mà Krɛtin man soɛ-bɔlen lɛa lɛlɛndun, ǹ nə́ don màn babaraan lɛa. Mà maǹ yoobaalin lɛa, ǹ nə́ n taasɛ màn-bii dinsɔɔ̃ ganaa.

Tiitii 1:12 ပူးပေါင်းရင်းမြစ်များ

Nya ǹ dín 17:28

a giala «Wɔa minbuiinbaa nɛ, ka wɔa yiikoonaabaa nɛ, ka wɔa bìn diɛ n boe a din ni.» Ka ka dinin loe-lɔle kɔsɔ dɔ bɛ́ á pɛ lɔn: «Wɔ na a din tɔrɔ lɛa.»

Nya ǹ dín 2:11

ka Krɛti laanka Larabu gána minin ni. Wɔsɛn tumaa, a Zuifu taãnan nɛ, ka tɔrɔ kɔsɔn mɛnɛn nə wɔ Zuifubaa nɛ. Á ke, wɔsɛn tumaa dɔ nə ǹ lɛ miɛ, ǹ nə́ Lawa a dí dadaran kɛn boo diɛ ka wɔsɛn gogoonmaa a bɔlɔ nɛ.»

Nya ǹ dín 27:12

Bɛa goon golee ǹ bǎã lɛ a siĩn min giã a-n bɔ̀nɔn wa, bɛ lɛ taman yii, tà kuru ǹ goo lɛ gɔ́ɔ̃gɔ́ɔ̃ ǹ minin lɛn gigiã mà wɔ daa wɔ wusoo wɔ mu kuru, wɔ ga a ganaa, bɛ̀ wɔ á boe la wɔ dɔ Feniksi kiwi, wɔ bɔ̀nɔn zɛnaa walan. Bɛ n Krɛti gána a goon golee ǹ bǎã goon lɛa, goo á boe la a n toa lɛ̀nyɛɛn laanka gusin a lɛ̀ gùrù gisi ganaa a wɔ a nɛ, á boe la a n toa lɛ̀nyɛɛn laanka gɔsɛ a lɛ̀ gùrù gisi dɔ ganaa a wɔ a nɛ.

Nya ǹ dín 27:13

Piɛ̃ boɛɛn kɔ́n yoo gusin a lɛ̀ gùrù ganaa á boe, ǹ nə́ taasɛ mà ǹsɛn sii á die yɔrɔ boe. Ǹ nə́ tà kuru ǹ goo lɛ a da mu-kurii ganaa giala kɔ, bɛ̀ ǹ nə ǹ ba ǹ wɔlɔ lui Krɛti gána lɛkoro ganaa wa.

Nya ǹ dín 27:7

Wɔ́ lɛawaa gigiã zɛnaa bɛ̀ wɔ n mu kuri woe boɛboɛ. Wɔ n wɔ́ nɔmaa wɔ́ tɔ́n woo dɔ Kinidi gána paǹ li, sɛnɛ, piɛ̃ bɛ́ n diɛ wɔ lɛ, wɔ a boe la wɔ wo nyɛɛnɛ pepere wa. Wɔ́ n yɔrɔ dia gɔsɛ, Salmone bǎã la, wɔ́ daa bɔ Krɛti gána paǹ kɛ li.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Timote1 4:2

Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.

Tiitii 1:5

Man má n toa Krɛti gána nɛ, ń giɛ, dí gialakun mɛn goã, n bɛ yɔrɔ bɔ sɔnbɔraanɛ. Ń giɛ, n ga Lawa a sɔmɔ walan wolen dɔn bɔ, n nə ǹ koa kiwi gogoonmaa nɛ. Ma yiri mɛn kɔ n la, n die n nə n yiri koa bɛ li.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.