Tesaloniki2 3:1 - LAWA A BOO SONBORE 2011

¹ Bɛ tumaa kio, dɔɔ̃nɔn lɛn, ka Lawa nyankɔ wɔa lɛa, màn mɛn bɛ́ toɛ, Dɛnaa a boo kɛ wo nyɛɛnɛ, a guguru kɔ, ka a bɛ́ n zɛnɛɛ ka li lɔn.

LAWA A BOO SONBORE

¹ Bɛ tumaa kio, dɔɔ̃nɔn lɛn, ka Lawa nyankɔ wɔa lɛa, màn mɛn bɛ́ toɛ, Dɛnaa a boo kɛ wo nyɛɛnɛ, a guguru kɔ, ka a bɛ́ n zɛnɛɛ ka li lɔn.

Tesaloniki2 3:1 ပူးပေါင်းရင်းမြစ်များ

Loen 138:2

Man die n musin koɛ tán, ma yɔrɔ nə́ n kion sonbore kɛ la, ma barka da n nɛ, n kɔn-narɛɛ gole kɛ laanka n bǐɛ̃ duduu kɛ a lɛa. A giala, n kɔ n da ǹ boo lɛ, wɔ yiri din bɛ́ a ba màn mɛn-a wa, ń bɛ zɛnaa wɔ nɛ.

Matiə 9:38

Lawa mɛn bɛ́ wuru lɛ a dɛnaa lɛa, ka bɛ lɛ nyankɔ, a dí-nyalin dia kaa-piɛ lɛ taman yii.»

Luku 10:2

Á pɛ ǹ nɛ: «Kaa-piɛ lɛ lɛ á gole, sɛnɛ, a dí-nyalin manə ǹ ba tɛ wa. Lawa mɛn bɛ́ wuru lɛ a dɛnaa lɛa, ka bɛ lɛ nyankɔ a dí-nyalin dia kaa-piɛ lɛ taman yii.

Nya ǹ dín 12:24

Lawa a boo lɛ sɛ na á goã n diɛ wɔlɔ la woe.

Nya ǹ dín 19:20

Bɛa yɔrɔ kɛ la, Dɛnaa din a boo kɛ na á goã n pii ka pàã nɛ, a ná a din a boo sii la kɛ nyɛɛ.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Rɔmu minin 15:30

Sɛnɛ, sii goon nə́ ke, má n die a nyankoe ka la taãn-taãnɛ, dɔɔ̃nɔn lɛn. Wɔa Dɛnaa Yezu Krita lɛ tɔ ganaa, ka kɔn-narɛɛ tɔ nɛ, Yiri Fu bɛ́ kɔn-narɛɛ mɛn koe, ka n doa parsiini ka Lawa nyankɔ maa lɛa. Ka Lawa nyankɔ kun ma nɛ,

Korɛnti1 16:9

A giala, a laan maa zɔ́ɔn tá mɔnaa nɛ, bɛa biikoo kɛ lɛ lɛ n koo, maa dí a yɔrɔ yɛ ganaa walan.

Korɛnti2 1:11

Ka dɔn tá re n doe ma lɛ ka kaa Lawa nyankɔ nɛ. Lawa á re min gigiã a nyankɔ sii, a bɛa bǐɛ̃ kɛ zɛnaa ma nɛ, bɛa yɔrɔ kɛ la, min gigiã á re barka diɛ Lawa nɛ maa lɛa.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Kolɔɔsi minin 4:3

Ka n toa bɛ lɛ gɔ́ɔ̃ nɛ ka Lawa-nyankɔ wɔsɛn dɔn manɛ, màn mɛn bɛ́ toɛ, Lawa zii kɔ wɔ la, wɔ *Krita a boo kɛ da, ma bɛ́ kòso-n kanna boo mɛn a lɛa.

Tesaloniki1 1:5

A giala, wɔ bɛ́ Boo Tii Kɔɔ̃n mɛn pii, a bie á n pɛ ka nɛ ka lɛ-a ǹ boo dinsɔɔ̃-n wa; sɛnɛ, pàã gole gole na á goã boo lɛ nɛ ka Yiri Fu barka nɛ, wɔ ǹ waa nɛ a sonborebaa dɔ la. Wɔ giã ǹ gɔn mɛn wɔ ka bii, ka dinin laadoo bǐɛ̃ kɔ taman yii, ka bɛ́ bɛ doɛ̃.

Tesaloniki1 1:8

Dɛnaa a boo lɛ nə́ n toa kaa piɛ, á dɔ Masedoanɛ laanka Grɛki minin li, bɛ dinsɔɔ̃ bie wa, sɛnɛ, kaa golee Lawa li lɛ dɔ a boo nə n da wɔlɔ la lɔn, mìi din ba la doo wɔsɛn na a boo da wa.

Tesaloniki1 2:1

Ka dininmaan tá doɛ̃ taãn-taãnɛ, dɔɔ̃nɔn lɛn, mà wɔa da ka li kooro baa wa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 5:17

Ka baran Lawa nyankɔ lɛ da wa.

Tesaloniki1 5:25

Dɔɔ̃nɔn lɛn, ka Lawa-nyankɔ wɔ dɔn lɛa.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!