Tesaloniki2 2:8 - LAWA A BOO SONBORE 2011

⁸ Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

LAWA A BOO SONBORE

⁸ Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Tesaloniki2 2:8 ပူးပေါင်းရင်းမြစ်များ

Samayeli2 23:7

Min mɛn bɛ́ n gɔn diɛ a ganaa, yǎa a fɔlɔ siɛ a gɔn, hinlaa sɛmiɛ̃ bàlà, a na a tumaa tã a din bǎã-n lenlen.

Zɔbu 4:9

Bɛ̀ min sii zɛnaa á Lawa foo yoo, bɛ n bɔ̀n biɛ. A foo-yoo lɛ n bɛ dii.

Loen 18:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 30:28

A lɛ gɔ́ɔ̃ ǹ piɛ̃-n ka mu tii bɛ́ lɔn, á pã á toɛ̃ á dii yǎa bɔlɔ ganaa. A n die bìn diɛ tɔrɔn ganaa, a ǹ ziziɛ̃, a karfɔ wɔ ǹ lɛ-n, a ǹ baã a wo ǹ ne bǎã mɛn bɛ́ ǹ ba li ǹ wo a-n wa.

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 7:26

Bɛ kio kəni, kiri á re n kuri, goledɛnaabaa á re n sii bɛa kii lɛ la, ǹ ziziɛ̃, a nya lenlen.

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Ozee 6:5

Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

Matiə 13:19

Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Matiə 13:38

Wuru lɛ, bɛ n kanaa lɛa. Lawa bɛ́ min mɛnɛn kii lɛa, bɛn man goon ka màn tɔrɔ sonbore ne. Buu babaraa ke, bɛ n *Sɛtaan a minin lɛa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Korɛnti1 1:28

Minin tan, kanaa minin nə́ giɛ ǹ ganaa màn kooron lɛa. Ǹ ba n yiri koɛ ǹ li wa, ǹ ba màn kɔ́n lɛa ǹ yii li wa. Lawa na á bɛn lɛn bɔ. Sii mɛn bɛ́ kanaa minin nə́ giɛ a ganaa sii taãn lɛa, a là nə́ ǹ ganaa, Lawa n bɛ ziziɛ̃ ka bɛa minin kɛn lɛn nɛ.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Timote1 6:14

N doa n dí-pɛ lɛ tamaa, n goã *yoreen ne, zɛ̀rɛ baran goã n ganaa wa, yǎa wɔa Dɛnaa Yezu Krita a din nyaa pinaa.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 10:27

Sɛnɛ, yii da kiri-kurii laanka tɛ la dinsɔɔ̃ na a tan, bɛ n nyɛ́ɛ sii gole lɛa. Bɛa tɛ lɛ n die Lawa bɔlɔ tii wolen kuĩ ka lenlen.

Zaã1 2:13

Díin lɛn, man sɛ́wɔ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ diɛ ka la, a giala, mà ka boo Min Baraa la.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Zaã1 5:18

Wɔ á doɛ̃, wáa Lawa a nɛ kɔ́n ba sii baraa zɛnɛɛ a wo-n wa, a giala, Lawa a Nɛgiĩ kɛ tá a lɛduĩ, Màn Baraa kɛ a boe la a màn kɔ́n zɛnaa-n wa.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 13:5

Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa.

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii-nyaan 2:16

Wusoo n sii baraan kio. Bɛ̀ bɛ bie wa, ma á re die n tɔwɛɛ sisia, ma zia baa bɛa minin kɛn lɛn ganaa ka gɔya sa kɛ-n soe ma lɛ-n.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.