Tesaloniki2 1:7 - LAWA A BOO SONBORE 2011

⁷ Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

LAWA A BOO SONBORE

⁷ Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Tesaloniki2 1:7 ပူးပေါင်းရင်းမြစ်များ

Bɔ bɛ̀rɛbaa nɛ 19:18

Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Izayii 57:2

ǹ tá re woe là nyantoro ne. Min mɛnɛn bɛ́ koe zii pepere lɛ, bɛn tá re nyuù sonbore we.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Ezekieli 1:13

A n ka tɛ nàn na á goã kuĩ màn yiikoonaan lɛn ganaa. A n ka tɛ buə̃ na á goã kuĩ ǹ ganaa. Tɛ lɛ na á goã n binbirin boe ǹ bii. Bɛa tɛ lɛ na á goã kiɛ min yii ni, la a tɛ-pɛ n boe a nɛ.

Danayeli sɛ́wɔ 7:9

Ma bɛ́ giɛ doo, má kii dankanan yɛ ǹ nə́ ǹ kaa tán, giĩ zizi goon daa giã tán. A mɔnaa na á goã fu piepie ka koara bɛ́ lɔn. A mìi ka na á goã fu paɛ̃paɛ̃ ka sère ka yoreen bɛ́ lɔn. A kii dankan kɛ na á goã ka tɛ n kuĩ a ganaa, a dankan lɛ gòãn man nə́ goã tɛ lɛa girigiri.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 26:64

Yezu tɔ́n pɛ nɛ: «Ka n pɛ lɔn. Sɛnɛ, masɛ n pii ka nɛ: A saa sisia ganaa, ka á re Min a Nɛgiĩ yii giã-n tán Lawa Pàãyiidɛnaa gusin, ka á re masɛ yii dɔn die lon a labaran la.»

Marki 14:62

Yezu tɔ́n pɛ: «Hiĩ, masɛ n bɛ lɛ lɛa. Ka á re Min a Nɛgiĩ yii giã-n tán Lawa Pàãyiidɛnaa gusin. Ka á re yii dɔn lon a labaran bii die.»

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Luku 16:25

Abrahamu pɛ nɛ: «Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 17:30

A n die n biɛ miɛ̃ Min a Nɛgiĩ a daa pinaa.

Zaã a sɛ́wɔ 1:3

Lawa na á màn tumaa zɛnaa ka bɛa Boo lɛ nɛ, màn mɛn tumaa nə n zɛnaa, ǹ kɔ́n nə n zɛnaa bɛ̀ a gòɛ̃ ná a ba a-n wa.

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Nya ǹ dín 1:11

ǹ nə́ pɛ ǹ nɛ: «Galilee gána minin lɛn, wàa na á baa ka n golee giɛ lon-a kɛnɛn? Lawa Yezu mɛn bɔ ka bii á dii lon, ka yɛ woe lon lɔn ke, a n die wusii a da bɛa yɔrɔ kɛ lɛ la.»

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Korɛnti1 3:13

Didie tumaa a nya ǹ dí a là á re yii kiri-kurii pinaa. Taãn nɛ, bɛa pinaa kɛ nɛ, maǹ die giɛ màn tumaa ganaa ka tɛ nɛ. Bɛa tɛ lɛ n die didie tumaa a nya ǹ dí a là nyɛɛ nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Efɛɛzi minin 1:2

Wɔ Di Lawa laanka wɔa Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Kolɔɔsi minin 1:16

Lawa na á màn tumaa zɛnaa ka a din lɛ barka nɛ, lon mànan laanka tán wɔn nɛ, a yii a yɛ wolen laanka a yii a yɛbaã wolen dɔn dinin ni, ka lon màn pàãdɛnan bɛ́ lɔn ka ǹ goledɛnan nɛ. Lawa na á màn tumaa zɛnaa a din lɛ barka nɛ, a na á ǹ zɛnaa a din dɔ a lɛa.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Timote2 2:12

Bɛ̀ wɔ́ nɔmaa si wɔ ganaa, wɔ á re kii biɛ kun ni. Bɛ̀ wɔ́ n piã nɛ, a dɔ á re n piɛ̃ ka wɔ dɔn nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 10:27

Sɛnɛ, yii da kiri-kurii laanka tɛ la dinsɔɔ̃ na a tan, bɛ n nyɛ́ɛ sii gole lɛa. Bɛa tɛ lɛ n die Lawa bɔlɔ tii wolen kuĩ ka lenlen.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 4:9

Bɛ̀ á miɛ̃, Lawa a minin lɛn susui biikoo n tɔn nyɛɛn die.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 22:6

Lon a dia dí-a wole lɛ tɔ́n pɛ ma nɛ: «Boon kɛn man taãn lɛa, ǹ nə́ kɔnboe ka foo doamaa nɛ. Dɛnaa Lawa na á lɛ kɔ a boo gii-dalin la ka a din yiri ni, a ná a lon a dia dí-a wole dia, mà sii mɛnɛn bɛ́ re n zɛnɛɛ sisia mà a wo bɛ pɛ a dí-nyalin manɛ.»

Sii-nyaan 22:9

Sɛnɛ, á pɛ ma nɛ: «N nyan toa n bɛ zɛnaa wa! Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃n Lawa a boo gii-dalin bɛ́ lɔn, ka min mɛnɛn tumaa bɛ́ sɛ́wɔ kɛ a boo miɛ, ǹ ná a lɛ sii. Wɔ tumaa n goon, Lawa dinsɔɔ̃ guguru kɔ!»

Sii-nyaan 6:11

Ǹ nə́ tɔ́n dɔnkɛ fu kɔ ǹ gogoonmaa la, ǹ nə́ pɛ ǹ nɛ: «Ka golee ka n yii da boɛɛn bɔrɔ. Ǹ doamaa bɛ́ nɛ ǹ ka dɔɔ̃n dí nya kun wolen mɛnɛn dɛ ǹ gã ka ka dɔn wɔ bɛ́ lɔn, yǎa bɛn lɛ piɛ̃.»