Tesaloniki1 4:4 - LAWA A BOO SONBORE 2011

⁴ Didie na a din a lɔ yɛ yɔrɔ sonbore la, koa-kun mɛn bɛ́ yoreen ne Lawa laanka mìnbuiinin yɔrɔ-a, a bɛ wɔ kun ni.

LAWA A BOO SONBORE

⁴ Didie na a din a lɔ yɛ yɔrɔ sonbore la, koa-kun mɛn bɛ́ yoreen ne Lawa laanka mìnbuiinin yɔrɔ-a, a bɛ wɔ kun ni.

Tesaloniki1 4:4 ပူးပေါင်းရင်းမြစ်များ

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 1:24

Bɛ lɛ na á toa, Lawa nə́ ǹ toa bɛa sii gɔgɔrɛ zɛnaan kɛn lɛn nɛ, á kɔnpɛ ǹ dinin foo dùũsiin ni, màn mɛn bɛ́ toɛ, ǹ sàn kɔ ka ǹ dinin gɔ̀nɔn nɛ.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Korɛnti1 6:15

Ka a doɛ̃ mà ka gɔ̀nɔn lɛ n Krita gùn lɛa wa? Ma á re Krita gù lɛ siɛ má baa lɔ naarɛbaali wɔ lɛa? Haayii! Ma a re bɛ zɛnɛɛ ka duduu wa!

Korɛnti1 7:2

Bɛ gɔ́ɔ̃ nɛ, man pii máa a n soɛ giĩ gogoonmaa a lɔ goã, lɔ gogoonmaa dɔ zuũ goã, ń giɛ din kũ doɛ̃baã siin baran yɛ wa.

Korɛnti1 7:9

Sɛnɛ bɛ̀ ká dɔ̃, mà ka a boe la ka ka dinin kũ doɛ̃ wa, ka kɔn wɔ. Kɔn-wɔ á soɛ á la nɔmaa foo sii gunun ni.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.

Samayeli1 21:5

Lawa a wúlu-bɔle lɛ Davida lɛ si: «Buuru kooro ba masɛ gɔn wa, yǎa ǹ mɛn bɛ́ á n kɔ Lawa la. N tá boe la n bɛ lɛ yɛ, bɛ̀ a da yaa, n minin lɛn nə giã kun ka lɔ-n sisia wa.»