Suusun 8:13 - LAWA A BOO SONBORE 2011

¹³ Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

LAWA A BOO SONBORE

¹³ Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Suusun 8:13 ပူးပေါင်းရင်းမြစ်များ

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 119:104

N doroo boon lɛn nə́ yiri kɔ ma la. Bɛ lɛ n ke, soɛ sii tumaa tìĩ bɔ ma nɛ.

Loen 119:128

Bɛ lɛ n ke ma á pii máa, n doree boon lɛn tumaa n pepere a yɔrɔ tumaa li. Soɛ sii kɔn ba kɔɔ̃n ma ganaa wa.

Loen 138:6

Ta Dɛnaa Lawa din nə lon sɔsɔɔ lɔn, a yii tá minbuiin tumaa a kiɛɛrɛdɛnaa ganaa, a nə n toɛ sɔsɔɔ, a din gole-kɔlen dɔ̃.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Bɔ bɛ̀rɛbaa nɛ 1:17

Sɛnɛ, lɔ nɛ-yolen lɛn nə́ nyɛ́ɛ baa Lawa nɛ. Kii lɛ boo mɛn pɛ ǹ nɛ, ǹ sii lɛ zɛnaa á kɔnpɛ ka bɛ-n wa. Ǹ nə́ nɛgininin lɛn dɔn yii toa koo.

Suusun 10:31

Min mɛn bɛ́ sii sonbore zɛnɛɛ, sii-doɛ̃ boo n soe a lɛ-n. Sɛnɛ, maǹ die soɛ-bɔle lɛwɔn kuri.

Suusun 15:9

Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 3:7

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Suusun 4:24

Ń lɛ kurəə soɛ bɔ ganaa, n nyan nə n miãn pɔpɔsɛ wa.

Suusun 6:12

Min mɛn bɛ́ tɔ woe ka soɛ nɛ a lɛ-n, min kooro ne, sii baraa zɛnaa li ni.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Zakarii 8:17

Ka nyan taasiɛ baraa wɔ kɔn a paǹ li wa. Ka nyan nə n liɛ soɛ la wa. Bɛa sii bɔbɔnɛɛn kɛn lɛn ba ma foo sii wa. Dɛnaa Lawa a da ǹ boo ne.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Tesaloniki1 5:22

Ka n bɔ sii baraa tɔrɔ tumaa nɛ.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.