Suusun 6:12 - LAWA A BOO SONBORE 2011

¹² Min mɛn bɛ́ tɔ woe ka soɛ nɛ a lɛ-n, min kooro ne, sii baraa zɛnaa li ni.

LAWA A BOO SONBORE

¹² Min mɛn bɛ́ tɔ woe ka soɛ nɛ a lɛ-n, min kooro ne, sii baraa zɛnaa li ni.

Suusun 6:12 ပူးပေါင်းရင်းမြစ်များ

Loen 10:3

Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 10:7

A lɛ gɔ́ɔ̃ ǹ boo yii n baraa, soɛ, kakaarɛ, boo ziziɛ̃ laanka boo basaã n soe a lɛ-n.

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Loen 59:7

Wasamiɛ̃-n lɛn li, maǹ die ka ginin bɛ́ lɔn. Maǹ nə n lɛ dii, ǹ nə́ kiwi lɛ lɛnpɛnɛ.

Suusun 10:32

Min pepere n boo diɛ ka fubaa nɛ. Sɛnɛ, sii baraa-zɛnaali n minin sã ǹ boo diɛ.

Suusun 11:6

Giã ǹ gɔn sonbore n toɛ min goã a din gɔn wìi a lɛa. Sɛnɛ min baraan foo sii n kan lɛa ǹ dinin ganaa.

Suusun 16:27

Min gɔ́ɔ̃ baraa a sii tumaa n doa-n baraa zɛnaa ganaa. A lɛ gɔ́ɔ̃ ǹ boo n ka tɛ bɛ́ lɔn kuĩ girigiri.

Suusun 16:30

Min mɛn bɛ́ ń yii tiɛ̃, sii baraa zɛnaa ná a gɔ́ɔ̃ nɛ, bɛ̀ á n lɛ məə, bɛ n nyɛɛ mà á sii baraa lɛ zɛnaa.

Suusun 17:4

Min mɛn bɛ́ sii baraa zɛnɛɛ, a n boe a din ni, á n too koe boo baraan li. Min mɛn bɛ́ soɛ boe, a nə n too koe soɛ boon li.

Suusun 2:12

Ǹ tá re n kanbiɛ giã ǹ gɔn baraa ganaa. Min mɛnɛn bɛ́ soɛ boon diɛ, ǹ tá re n wɔlɔ lui bɛn ganaa.

Suusun 3:32

Min kɔkɔrɔn tìĩ n boe ne Dɛnaa Lawa nyin ni, sɛnɛ, min peperen giaára nɛ.

Suusun 4:24

Ń lɛ kurəə soɛ bɔ ganaa, n nyan nə n miãn pɔpɔsɛ wa.

Suusun 6:14

A gɔ́ɔ̃ n tì, a n taasiɛ baraa we biikoo yii li. A n zia yiɛ.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Zeremii 24:2

Káka goon a gɔ́rɔ nɛ n siĩn sɔnbɔraanɛ ka gɔ́rɔ nɛ lɛ bibinaa bɛ́ lɔn. Goon kɛ a gɔ́rɔ nɛ ziziɛ̃maa nɛ. Á ziziɛ̃ á la yii ni, min na a boe la a bii dinin wa.

Matiə 12:34

Miɛ̃ tɔrɔn lɛn! Boo sonbore n siɛ lɔn a bɔ ka lɛ-n, a da yaa ka dininmaan nə́ baraa? A giala min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Timote1 5:13

Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Zaaki 1:21

Bɛ lɛ taman yii, sii mɛn tumaa bɛ́ *gɔ̀ loe min ganaa, ka n bɔ bɛ wɔlɔ li, ka nya ǹ dí babaraa tumaa nɛ. Lawa na a boo mɛn wɔ ka foo ne, ka lɛ kɔ bɛ ganaa ka din-gisiĩ ni, a giala, á boe la a ka kirisibaa.

Zaaki 3:6

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Samayeli1 17:28

Eliabu lɛ, ǹ golon lɛn gole lɛa, Davida boo mɛn pɛ minin lɛn manɛ, á ma. A foo yoo Davida li, á pɛ nɛ: «Ma nə n daa wàa pɛ kànaa? Ma nə n die koa n sèren lɛn li don? Ma nə n yii we sii la, n taasiɛ a siĩn wa, zia lɛ a gamaa lɛa nɛ, ń daa.»