Suusun 4:26 - LAWA A BOO SONBORE 2011

²⁶ Ń bɛ́ re koe zii mɛn lɛ, ń taasɛ n tɔn saa. Foo bɛ́ doa-n ziin mɛnɛn ganaa, kɔ bɛn lɛ.

LAWA A BOO SONBORE

²⁶ Ń bɛ́ re koe zii mɛn lɛ, ń taasɛ n tɔn saa. Foo bɛ́ doa-n ziin mɛnɛn ganaa, kɔ bɛn lɛ.

Suusun 4:26 ပူးပေါင်းရင်းမြစ်များ

Loen 119:5

Maa tɔ wɔ ǹ gɔn gɔ́ɔ̃ nɛ, n din ma foo taã, ma boo la ma n foo sii zɛnaa.

Loen 119:59

Má n taasɛ ka maa tɔ wɔ ǹ gɔn nɛ. Má wusoo má maa sii tele n gɔn waa ma-n boon kɛn li.

Loen 37:23

Bɛ̀ min mɛn a zɛnaa ǹ sii tá kɔɔ̃n Dɛnaa Lawa ganaa, a n foo-doa koe bɛ la a zii tɔ-we gɔ́ɔ̃ nɛ.

Loen 40:2

Má n yii da Dɛnaa Lawa la, má n yii da la. Á n too kɔ ma lon, á maa lɛ-dɛ ma.

Suusun 15:21

Baãnaa foo n kɔɔ̃nɛ ka gaãnaabaa ǹ sii zɛnaa nɛ. Sɛnɛ, min mɛn bɛ́ yiridɛnaa lɛa, a n tɔ we zii pepere la.

Suusun 21:29

Min baraa nə n din biɛ sii doɛ̃ wole lɛa. Min pepere a sii zɛnaan gòãn we tán.

Suusun 23:19

Maa nɛ, n too kɔ ma lon. Ń ta re sii-dɔ̃li biɛ. Ń ta re koe zii pepere lɛ.

Suusun 4:25

Ń yiin doa n yɔrɔ-a sɔnsɔn, n ga n nyɛɛnɛ pepere.

Suusun 5:21

Dɛnaa Lawa yii-n minbuiin nɛ tumaa a zɛnaa ǹ siin ganaa, a tá ǹ ziin tumaa doɛ̃.

Suusun 5:6

A ba yiikoonaabaa ǹ zii siɛ wa. A siɛ̃ zii ganaa a ná a ba doɛ̃ wa.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Azee 1:5

Kanna kəni masɛ Dɛnaa Lawa Pàãyiidɛnaa n pii: Sii mɛn bɛ́ ka yii, ka ǹ taasɛ bɛ-a taãnɛ.

Azee 1:7

Á ke masɛ Dɛnaa Lawa Pàãyiidɛnaa n pii kɛnɛn. Sii mɛn bɛ́ die ka-a, ka n taasɛ ka ga a giala li taãnɛ.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:17

Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Ebrəə 12:13

Ka ga zii sonboren li ka kɔ ǹ lɛ, màn mɛn bɛ́ toɛ, kaa talaa wolen baran mɛnaa wa, sɛnɛ, ǹ wusoo ǹ zii saa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.