Suusun 4:18 - LAWA A BOO SONBORE 2011

¹⁸ Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

LAWA A BOO SONBORE

¹⁸ Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Suusun 4:18 ပူးပေါင်းရင်းမြစ်များ

Samayeli2 23:4

bɛ n ka wasa a folon bɛ́ lɔn a bɔ tán biikoo li baayɛlɛ, bɛ̀ labara ba lon ǹ mɛn pinaa wa. A n ka wasa a folon bɛ́ lɔn, buu diɛ bɔ tán ganaa la a kaa kio.»

Zɔbu 11:17

N tá kanaa lɛ á re n biɛ ka penleen wasa bɛ́ lɔn. Wɔlɔ tì din tá re n biɛ ka baayɛlɛ bɛ́ lɔn.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Loen 97:11

Lawa a bǐɛ̃baa n yui, min pepere a lɛa, ka tɛ fúlu bɛ́ lɔn, bɛ n nyɛnyɛɛ koe gɔ́ɔ̃ fudɛnan la.

Suusun 13:9

Min mɛnɛn bɛ́ sii sonbore zɛnɛɛ, ǹ foo n kɔɔ̃n duduu. Sɛnɛ, min baraan man ka bolon tɛ bɛ́ lɔn nimi.

Suusun 15:24

Zii mɛn bɛ́ woe yiikoonaabaa ganaa, sii-dɔ̃li n koe bɛ lɛ. Ǹ mɛn bɛ́ woe gɛ̀ ganaa, a nə n nyɛnɛɛ bɛ nɛ.

Suusun 2:20

Min sonboren zii saa. Min mɛnɛn sii zɛnaa bɛ́ siĩni, n bɛn lɛn zɔɔ̃.

Suusun 2:9

Bɛ̀ n ma bɔlɔ si, n tá re sonborebaa doɛ̃, bɔlɔgoondɛnaabaa nɛ, ka peperebaa nɛ: Là nyantoro zii ni.

Izayii 26:7

Dɛnaa Lawa, min mɛn bɛ́ n bɔlɔ sii, bɛa dɛnaa a zii n pepere. Ń zii pepere yɔrɔ bɔ a wɔ lɛa.

Danayeli sɛ́wɔ 12:3

Min mɛnɛn bɛ́ sii doɛ̃, bɛn tá re tɛ pii ka lon gɔ̀nɔn kɛ bɛ́ lɔn. Min mɛnɛn nə zaman damata daraa peperebaa ganaa, bɛn tá re tɛ pii ka leeren bɛ́ lɔn yǎa duduu.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Matiə 5:14

Ka dinin lɛn man goon ka bólon fúlu bɛ́ lɔn kanaa kɛ lɛ gɔ́ɔ̃ nɛ. Kiwi mɛn bɛ́ kele mìi ni, bɛa boe la a n duru wa.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Piɛrɛ2 1:19

Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.