Suusun 28:14 - LAWA A BOO SONBORE 2011

¹⁴ Min mɛn bɛ́ yiri boe a din li, bɛ wɔ na á bǐɛ̃ kɔ. Sɛnɛ, laa sii-a wole wɔ n ka koe ne.

LAWA A BOO SONBORE

¹⁴ Min mɛn bɛ́ yiri boe a din li, bɛ wɔ na á bǐɛ̃ kɔ. Sɛnɛ, laa sii-a wole wɔ n ka koe ne.

Suusun 28:14 ပူးပေါင်းရင်းမြစ်များ

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Loen 95:8

Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

Bɔ bɛ̀rɛbaa nɛ 14:23

Ezipti minin lɛn nə́ ǹ kio loo, ǹ nə́ wɔ ǹ kio. Faarahɔn a sùin tumaa, ka a wotoron ne ka a sùi lɛ-kũlin ni, ǹ nə́ wɔ yǎa mu lɛ bii.

Bɔ bɛ̀rɛbaa nɛ 7:22

Sɛnɛ, Ezipti gána a kɔ́lɔnbaalin dɔn ná a din dí goon lɛ nya, ka ǹ boo sii la ǹ pàã baraa kɛ nɛ. Faarahɔn too goã a kakabaa gɔ́ɔ̃ nɛ, a n too kɔ Muizu laanka Aarɔn lon wa, ka Dɛnaa din bɛ́ á goã á pɛ lɔn.

Bɔ bɛ̀rɛbaa nɛ 7:23

Faarahɔn wusoo á woo piɛ, a ná a sii kɛ lɛ din kũ parsii sii lɛa wa.

Suusun 23:17

Ń foo nyan wuu pɛ sii baraa-zɛnaalin li wa. Sɛnɛ, nyɛ́ɛ baa Dɛnaa Lawa yii ni.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Boo-laakalaali 8:12

Min baraa á boe la, a sii baraa zɛnaa gunyin damata, a yii dɔ n tɔn koo kiɛ̃. Sɛnɛ, ma á doɛ̃, máa nyɛ́ɛ baa Lawa yii-n wolen wɔ á die bǐɛ̃ koe. A giala mà ǹ tá nyɛ́ɛ biɛ Lawa yii ni.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.