Suusun 28:13 - LAWA A BOO SONBORE 2011

¹³ Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

LAWA A BOO SONBORE

¹³ Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Suusun 28:13 ပူးပေါင်းရင်းမြစ်များ

Siin Giala 4:9

Dɛnaa tɔ́n nɔ̀n da Kanyɛ la kɛnɛn: «N diɛ̃ Abeli lɛ á maa?» Kanyɛ ná a lɛ si á pɛ: «Maa doɛ̃ wa. Masɛ n ma diɛ̃ lɛduə̃li lɛa ya?»

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 14:32

Abusalɔn tɔ́n pɛ Zoabu ni: «A giala, má goã má lɛ dia n la máa n da kànaa, màn mɛn bɛ́ toɛ, ma n dia woe pii kii ni máa wàa na á baa má bɔ Gesuuru má daa piɛ. Bɛ̀ man tɔn walan, bɛ̀ á soɛ ma ganaa. Kanna, man giɛ li ma kii lɛ yɛ. Bɛ̀ á daa yaa má sii kɔn la, a ma dɛ.»

Kiin2 20:15

Izayii tɔ́n pɛ: «Ǹ yii na á wàa mɛn yɛ n kion?» Ezekiasi ná a lɛ si: «Màn mɛn din tumaa bɛ́ maa kion, ǹ yii yɛ. Ma gɔn màn kɔn din goã bɛ̀ man ma nyaa ǹ nɛ wa.»

KZS2 6:26

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ, n din a nɔmaa da ǹ mìi-n taman yii,

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Ɛsidrasi 10:2

Yeyieli a nɛgiĩ Sekania ke, Elamu tɔrɔ goon lɛa, bɛ́ tɔ́n pɛ Ɛsidrasi ni kɛnɛn: «Wɔsɛn nə n baa bɔlɔgoondɛnan lɛa, wɔa Lawa lɛ-n wa. A giala, tɔrɔ kɔsɔn mɛnɛn bɛ́ gána lɛ nɛ, wɔsɛn nə́ bɛn nɛlɔn wɔ wɔa lɔn lɛa. Sɛnɛ, bɛ wɔ paǹ li, foo-doa tá tɔn a tan Izirayeli wɔ lɛa.

Nehemii 9:2

Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Zɔbu 31:33

Masɛ maa sãn duru ka min gigiã bɛ́ zɛnɛɛ lɔn wa. Má golee maa sãn li.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Zɔbu 34:31

Min tá boe la a pɛ Lawa nɛ mà asɛ a sii baraa zɛnɛɛ doo wa?

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Suusun 10:12

Min mɛn bɛ́ ǹ miã tìĩ n boe n ne, bɛ n yui ka zia nɛ. Sɛnɛ kɔn-narɛɛ n toɛ n nə n miã sãn toa nɛ.

Suusun 17:9

Min mɛn bɛ́ giɛ giaárabaa li, a toa a yiri bɔ ka sãn nɛ. Yiri kɔ sãn li n giaáran niɛ̃ kɔn.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 2:35

A laan bɛ yii ni, n nə n pii: «Zɛ̀rɛ ba ma-a wa. Dɛnaa Lawa a foo yoo kɛ á re n boe ma kio.» Sɛnɛ, n bɛ́ pii mà nsɛ sii kɔn zɛnaa baraa wa, man die kiri we n ganaa.

Danayeli sɛ́wɔ 4:27

Á n toa walan á pɛ: «Baabilonii kiwi gole lɛ á ke! Masɛ din nə má dɔ, maa kiibaa ǹ bǎã lɛa. Bɛ lɛ n die toɛ minin nə dɔ̃ mà pàã gole tá masɛ lon, mà gugurubaa tá masɛ a kiibaa lɛ nɛ.»

Lawa a wúlu-bɔlen 5:5

Bɛ̀ min mɛn zɛ̀rɛ n ka bɛa sii kɛ lɛ mɛn nɛ, a sii baraa mɛn zɛnaa, a doamaa nɛ a golee bɛ li.

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Sii yɔrɔ-bɔlen 10:15

Izirayeli minin lɛn nə́ pɛ Dɛnaa Lawa nɛ: «Wɔsɛn nə́ sii babaraa zɛnaa. Sii mɛn tumaa bɛ́ kɔɔ̃nɛ n ganaa, bɛ zɛnaa wɔsɛn manɛ. Sɛnɛ, sabara baa, n wɔsɛn bɔ kɛ-n pelo.»

Samayeli1 15:13

Samayeli woo Sayulu li, Sayulu pɛ nɛ: «Dɛnaa Lawa die a barka da n ganaa. Dɛnaa Lawa màn mɛn pɛ, ma bɛ zɛnaa.»

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»