Suusun 27:23 - LAWA A BOO SONBORE 2011

²³ Ga n sèren lɛn gogoomaa ganaa sonbore-a nɛ, n nə n yiri kɔ n sère kuru li,

LAWA A BOO SONBORE

²³ Ga n sèren lɛn gogoomaa ganaa sonbore-a nɛ, n nə n yiri kɔ n sère kuru li,

Suusun 27:23 ပူးပေါင်းရင်းမြစ်များ

Siin Giala 33:13

Zakɔba ná a lɛ si kɛnɛn: «Gologiĩ, ń doɛ̃, nɛnyaanan lɛn pàã á kiɛɛrɛ. Ka bɛ dɔ nɛ, sère daanan laanka dii daanan tá ma lon, nɛnyaan bɔnboɛɛnɛn manə ǹ kio. Bɛ̀ wɔ tɔ wɔ ǹ nɛ, á re kiɛ̃ ǹ tɔ-wɔ lɛ dan la, ta pinin goon tɔ din ni, ǹ tumaa n giɛ̃.

KZS2 26:10

Á gɔnda ǹ kionən dɔ diə gole gánan kɛn dɔn nɛ. Á mu kurəə ǹ yala gigiã fɔ̃, a giala, a tɔɔn man mɔnaa nɛ *Sefelaa a nyankɔrɔ lɛ kɛ nɛ, ka yìsi mu lɛ a bǎãn kɛn nɛ. A Buu-kɔsɔlen tan, a duvɛ̃ wuru dí-nyalin tan dí nyɛɛ tenenən mìi ni ka Karmɛli kele ne, a giala, tán dí n kɔɔ̃n a ganaa.

Bɔ bɛ̀rɛbaa nɛ 7:23

Faarahɔn wusoo á woo piɛ, a ná a sii kɛ lɛ din kũ parsii sii lɛa wa.

Suusun 24:27

N dí gɔn nyɔmɔɔ kanaa, n wuru yɔrɔ bɔ, bɛ kio, ń tá boe la n nə n kion dɔ.

Suusun 24:32

Bɛa siin lɛn má ǹ yɛ, má taasiɛ wɔ ǹ ganaa, má doroo goon gũ ma yiri ni:

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Ezekieli 34:31

Ka n maa sèren lɛa, ka n maa tɔɔ kuru lɛa, ma ń giɛ ka walan, ka n minbuiinin lɛa, masɛ n kaa Lawa lɛa. Ma din Dɛnaa Lawa a da ǹ boo ne.»

Zaã a sɛ́wɔ 10:3

Kiɛnlɛ-lɛduə̃li n kiɛnlɛ buĩ bɛ lɛ nɛ, sèren lɛn manə n too koe bɛ lɛn li. Ǹ mɛnɛn bɛ́ a wɔn lɛa, a nə ǹ gogoonmaa bíi ka a tɔ nɛ, a soo ǹ ne kanaa.

Timəə dí-pɛn 32:46

á pɛ ǹ nɛ: «Ma boon mɛnɛn tumaa pɛ ka-n pelo, ka ǹ kũ ka parsiini. Ka dɔn die ka pɛ ka laa kaa nɛnyaanan ganaa, màn mɛn bɛ́ toɛ, ǹ nə n yiri koa dí-pɛ kɛ lɛ a boon tumaa li ǹ kɔ ǹ lɛ.

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.

Samayeli1 17:28

Eliabu lɛ, ǹ golon lɛn gole lɛa, Davida boo mɛn pɛ minin lɛn manɛ, á ma. A foo yoo Davida li, á pɛ nɛ: «Ma nə n daa wàa pɛ kànaa? Ma nə n die koa n sèren lɛn li don? Ma nə n yii we sii la, n taasiɛ a siĩn wa, zia lɛ a gamaa lɛa nɛ, ń daa.»