Suusun 26:24 - LAWA A BOO SONBORE 2011

²⁴ Min mɛn bɛ́ ǹ miãn tìĩ n boe n ne, a nə n duri a da ǹ boon kio, a n sii baraa taasɛ a gɔ́ɔ̃ nɛ.

LAWA A BOO SONBORE

²⁴ Min mɛn bɛ́ ǹ miãn tìĩ n boe n ne, a nə n duri a da ǹ boon kio, a n sii baraa taasɛ a gɔ́ɔ̃ nɛ.

Suusun 26:24 ပူးပေါင်းရင်းမြစ်များ

Siin Giala 34:13

Zakɔba a nɛgiĩn lɛn nə́ Sisɛmu laanka ǹ di Amɔɔrɔ lɛ si ka yiri woorobaa nɛ. A giala, Sisɛmu na á ǹ miãnɛn Diinaa ziziɛ̃.

Samayeli2 13:26

Abusalɔn tɔ́n pɛ: «Bɛ̀ n din ba re doe wa, lɛ sɛ kɔ ma dɔɔ̃ngiĩ Amnɔn wo wɔ da zii.» Kii tɔ́n pɛ nɛ: «A woo mìi n ka wàa nɛ?»

Samayeli2 13:27

Abusalɔn bɛ́ á n laa a ganaa, kii tɔ́n toa Amnɔn laanka a nɛnyaan gialakunun lɛn tumaa woo kun ni.

Samayeli2 20:9

Zoabu pɛ Amasaa nɛ: «Dɔɔ̃ngiĩ ganaa, là nyantoro tá n li?» Bɛ kio, á n gusin a gɔn dia, a ná a lɛtoro ka kũ, ka a n die kɔn narɛ ǹ fòo diɛ nɛ.

Nehemii 6:2

Sanbalaa lɛ laanka Gesɛmu lɛ tɔ́n min dia die pii ma nɛ mà ma daa wɔ kɔn yɛ Kefirimu kiwi, Onoo a nyankɔrɔ lɛ kɛ nɛ. A na á goã ǹ gɔ́ɔ̃ nɛ, mà ǹ basaã kɔ ma nɛ.

Loen 12:3

Maǹ soɛ kukuri kɔn nɛ. Ǹ lɛ gɔ́ɔ̃ yii n kɔn bebele ǹ boo. Ǹ ba boo diɛ ǹ nə́ n gɔ́ɔ̃ toɛ̃ wa.

Loen 28:3

N baran min baraan dɔlɔ bɔ ma-a wa, n sii baraa-zɛnaalin dɔlɔ bɔ ma-a wa. Maǹ là nyantoro boo diɛ ǹ miãn nɛ, sɛnɛ, sii baraa nə́ ǹ dinin foo pã.

Loen 41:6

Maa zɔ́ɔn man boo baraa diɛ ma ganaa, ǹ nə́ pii: A n die giɛ̃ biĩ a papaã a n bɔ wɔ yɔrɔ-a?

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 11:1

Kiri kɔkɔrɔ tìĩ n boe-n Dɛnaa Lawa nɛ. Sɛnɛ, a foo sii n ka kiri pepere ne.

Suusun 12:17

Min mɛn bɛ́ sonbore pii, a nə n doe kiri a peperebaa lɛ. Min mɛn bɛ́ siére baraa pii, a n màn diɛ siɛ̃ li.

Suusun 12:20

Baraa-zɛnaalin foo n piɛ̃ nɛ ka soɛ nɛ. Sɛnɛ, min mɛnɛn bɛ́ doroo sonbore koe, foo kɔɔ̃n nə bɛn wɔ lɛa.

Suusun 12:5

Min sonbore a taasiɛ n doa-n peperebaa ganaa. Min baraa wɔ n ka ǹ miãn sã nɛ.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 23:7

Taãn nɛ, a bɛ́ boo mɛn diɛ, a taasiɛ bie bɛ-n wa. A n pii n ni: «A bii n kã», sɛnɛ, a parsii bie wa.

Zeremii 9:4

Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

Samayeli1 18:17

Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.