Suusun 25:2 - LAWA A BOO SONBORE 2011

² Dɛnaa Lawa a sii zɛnaa ka durii-n na a tɔ guguru koe. Sii duriin doɛ̃ n tɔ koe kiin la.

LAWA A BOO SONBORE

² Dɛnaa Lawa a sii zɛnaa ka durii-n na a tɔ guguru koe. Sii duriin doɛ̃ n tɔ koe kiin la.

Suusun 25:2 ပူးပေါင်းရင်းမြစ်များ

Samayeli2 1:5

Tɔntɔraagiĩ mɛn da boo lɛ pɛ, Davida wusoo á nɔ̀n da bɛ la kɛnɛn: «Ma n siɛ lɔn ń tá doɛ̃ mà Sayulu gã, ka a nɛgiĩ Zonaatan dɔ nɛ?»

Samayeli2 14:19

Kii tɔ́n pɛ nɛ: «Zoabu din bie n diɛ sii kɛ lɛ tumaa a zɛnaa ganaa wa le?» Lɔ lɛ ná a lɛ si: «Maa dɛnaagiĩ kii, ma laanka Lawa nɛ, boo kɔn din ba n wɔ la kuri wa. Sonbore ne. N din a dí-nyali Zoabu na á masɛ dia. Ma doamaa bɛ́ nɛ ma boo mɛn da, a din na a bɛ tumaa pɛ masɛ nɛ.

Ɛsidrasi 4:15

màn mɛn bɛ́ toɛ, ǹ sii gɔsɛ ǹ ga a woo ǹ bǎã li, n din digolon boo zizin sɛ́wɔ kɛ nɛ. Bɛa sɛ́wɔ lɛ nɛ, n tá re yii, mà kiwi kɛ lɛ n kiwi piã-wɔle lɛa, kiin laanka gána a bǎãn sii ziziɛ̃. A kũ biikoo sɔsɔɔ ganaa, maǹ gòãn dii ǹ siin zɛnɛɛ a nɛ. Bɛ lɛ nɛ ǹ nə́ bɛa kiwi kɛ lɛ yu, ǹ nə́ ziziɛ̃.

Ɛsidrasi 4:19

Má pɛ máa ǹ sii lɛ gɔsɛ ǹ ga a woo ǹ bǎã li. Ǹ nə́ yɛ, mà a kũ biikoo sɔsɔɔ ganaa, mà kiwi kɛ lɛ n yui kiin gialaa, mà a dí n ka gòãn-dii ni.

Ɛsidrasi 5:17

Kanna kəni, bɛ̀ á kɔɔ̃n kɔ kii lɛ ganaa, ka die ka ga kii gɔn mànan koa ǹ bǎã kɛ-n walan Baabilonii, màn mɛn bɛ́ toɛ ka dɔ̃, bɛ̀ kii Siirusu lɛ pɛ sonbore, mà wɔ Lawa a kion kɛ lɛ dɔ Zeruzalɛmu. Bɛ kio, kii lɛ lɛ die a dɔ wɔsɛn ganaa, a na a taasiɛ nyaa wɔsɛn manɛ bɛa sii lɛ wɔ paǹ li.

Ɛsidrasi 6:1

Kii Dariusu tɔ́n pɛ, ka ga sɛ́wɔ zizin kɛn nɛ, koa nɛ kii gɔn mànan koa ǹ bǎã nɛ, *Baabilonii lɛ-n walan.

Zɔbu 29:16

Nɔmaa-wɔlen kɛn, man má goã bɛn díi lɛa. Tii a kiri sii, man gɔsiɛ taãn-taãnɛ.

Zɔbu 38:4

Ma bɛ́ tán zɛnɛɛ ǹ mɛn waáraa, bɛ̀ ma n maa? Yiri bɛ́ n lon, a pɛ ma-n kəni.

Zɔbu 40:2

«Nsɛ mɛn bɛ́ Pàãyiidɛnaa liere koe, n yii n we n tá Lawa zɛ̀rɛ biɛ? Bɛ̀ boo tá n lɛ-n, a da kəni.»

Zɔbu 42:3

«Die n boe la a n sii yɔrɔ bɔn sàabaa ka baãnaabaa ǹ boo ne?» Taãn nɛ, man má boo da, má n ma ba a giala miɛ wa. Sii mɛn bɛ́ gole ma ganaa, man má bɛ boo da, má n ma a doɛ̃ wa.

Suusun 25:27

Zoo nyɔɔ bii a la yii-n ba siĩn wa. Ga gugurubaa li a la yii-n dɔ a siĩn wa.

Suusun 25:3

Lon a sɔsɔɔbaa ba n doɛ̃ wa, tán a zuzulubaa dɔ ba n doɛ̃ wa, a din yii goon ne, kiin dɔn foo ba n doɛ̃ wa.

Boo-laakalaali 1:13

Sii mɛn tumaa bɛ́ n zɛnɛɛ kanaa kɛ nɛ, má da ma foo ne, má bɛ yii gɔsɛ ka sii-doɛ̃ nɛ, máa ma a giala ma: dí kaka n ka kɛ nɛ, Lawa da minbuiin nɛ mìi ni.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.