Suusun 24:12 - LAWA A BOO SONBORE 2011

¹² Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

LAWA A BOO SONBORE

¹² Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Suusun 24:12 ပူးပေါင်းရင်းမြစ်များ

Zɔbu 34:11

A giala, a n minbuiin nɛ sarɛɛ, a kɔnpɛ ka a zɛnaa ǹ sii ni. A n didie sarɛɛ, a kɔnpɛ ka a tɔ wɔ ǹ gɔn nɛ.

Loen 121:3

Dɛnaa Lawa a toɛ n gòã talaa wa. N lɛduə̃li lɛ a nyuù we wa.

Loen 121:8

N woo ne ka n bɔyaa nɛ, Dɛnaa Lawa á re n tamaɛ, a saa kanna ganaa yǎa duduu.

Loen 17:3

N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 66:9

A din na á wɔsɛn toa yiikoonaabaa gɔ́ɔ̃ nɛ, á wɔ kanbaa talaa ganaa.

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Loen 94:9

Dɛnaa Lawa mɛn nə too zɛnaa, bɛa boo miɛ wa? A din mɛn nə yii zɛnaa, a yii a wɔlɔ yii wa?

Suusun 12:14

Min a sii á boe la a yɔrɔ yɛ lɛ gɔ́ɔ̃ ǹ boo barka nɛ ka dí bɛ́ saraa koe min la lɔn.

Suusun 16:2

Minbuiin nɛ n taasɛ mà asɛ n sii sonbore zɛnɛɛ biikoo tumaa li. Sɛnɛ, Dɛnaa Lawa n kiri we foo ganaa.

Suusun 21:2

Minbuiin nɛ a sii zɛnaan tumaa n pepere a din yii li. Sɛnɛ, Dɛnaa Lawa dinsɔɔ̃ n gɔ́ɔ̃ doɛ̃.

Suusun 5:21

Dɛnaa Lawa yii-n minbuiin nɛ tumaa a zɛnaa ǹ siin ganaa, a tá ǹ ziin tumaa doɛ̃.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Busii pɛ 3:36

bɛ̀ n tá kiri diɛ min la kiri kuru ǹ bǎã nɛ biikoo mɛn li, Dɛnaa Lawa yii ba a ganaa wa?

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Nya ǹ dín 17:28

a giala «Wɔa minbuiinbaa nɛ, ka wɔa yiikoonaabaa nɛ, ka wɔa bìn diɛ n boe a din ni.» Ka ka dinin loe-lɔle kɔsɔ dɔ bɛ́ á pɛ lɔn: «Wɔ na a din tɔrɔ lɛa.»

Rɔmu minin 2:16

Bɛ̀ Lawa kiri kuru minbuiinin la ǹ mɛn pinaa, ka ǹ taasiɛ duriin ni, bɛ tumaa á re soe wɔlɔ fúlu ganaa. Yezu *Krita Boo Tii Kɔɔ̃n mɛn kɔ ma la mà ma pɛ, bɛ n pii miɛ̃.

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

Sii-nyaan 2:18

Sɛ́wɔ kɛ kiɛ̃ n dia Tiatiirin Lawa a sɔmɔ a lon a dia dí-a wole la: Masɛ Lawa a Nɛgiĩ a boo n ke, masɛ mɛn bɛ́ ma yii nànan nə́ ka tɛ buə̃ bɛ́ lɔn, ma gòãn nə́ tɛ pii ka zan nɛ ǹ nə́ zɔnɔ, man pii n ni:

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.

Samayeli1 2:6

Dɛnaa Lawa din ni nyin koe, a din ni sii. A din ni min diɛ geren piɛ a din dɔ n min kanbiɛ a ganaa.

Samayeli1 25:29

Min nə́ yoo n gialaa, á n giɛ li a n dɛ, n gã, sɛnɛ n Lawa, Dɛnaa Lawa lɛ á die n tamaɛ, ka min bɛ́ pàãmabaa ǹ màn tamaɛ lɔn, màn kɔn ná a ba toɛ̃ n ganaa wa. N zɔ́ɔn kɛn sɛn, Dɛnaa Lawa á re ǹ lɛ koe, ka min bɛ́ kɔlɔ diɛ baragii ni a zũ lɔn.