Suusun 22:4 - LAWA A BOO SONBORE 2011

⁴ Min mɛn bɛ́ n din boɛɛn koe, a n Dɛnaa Lawa guguru koe, á re naforo yii, a tɔ bɔ, a nyin sasa yɛ.

LAWA A BOO SONBORE

⁴ Min mɛn bɛ́ n din boɛɛn koe, a n Dɛnaa Lawa guguru koe, á re naforo yii, a tɔ bɔ, a nyin sasa yɛ.

Suusun 22:4 ပူးပေါင်းရင်းမြစ်များ

Suusun 19:23

Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

Suusun 21:20

Sii-dɔ̃li a kion, gɔn màn sonbore ka nyɔɔ gigiã tan, sɛnɛ baãnaa sɛ ná a wɔ yii ziziɛ̃.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Suusun 22:3

Bɛ̀ koe á die, yiridɛnaa nə n mìi duri. Yiriwɛɛnaa sɛ na a zii tɔ we yǎa sii yii.

Suusun 22:5

Nyan laanka kanan man min kɔkɔrɔ a zii sii ǹ nə n kɔ lɛ. Min mɛn bɛ́ zoɛ̃ nyin sasa li, a nə n wɔlɔ lui a ganaa.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Suusun 3:16

A n nyin sasa koe minbuiinin la, naforo ne ka tɔ golebaa nɛ.

Suusun 31:30

Siĩnbaa n min siɛ̃, a beleboe wa. Lɔ mɛn bɛ́ Dɛnaa Lawa guguru koe, bɛ dinsɔɔ̃ na á kɔnbɔ ka tɔ bɔ nɛ.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Zaaki 4:10

Ka n dinin gisĩ Dɛnaa giulun, á die ka mìi siɛ lon.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»