Suusun 22:29 - LAWA A BOO SONBORE 2011

²⁹ Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

LAWA A BOO SONBORE

²⁹ Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Suusun 22:29 ပူးပေါင်းရင်းမြစ်များ

Siin Giala 41:38

Faarahɔn tɔ́n pɛ ǹ nɛ: «Wɔ á re min kɔsɔ yii ka giĩ kɛ bɛ́ lɔn Lawa Yiri ná a lon?»

Siin Giala 41:46

Zozɛfu bɛ́ dí nyɛɛ Faarahɔn nɛ, bɛ̀ a lɛ̀ pɔsɔɔ nɛ. Bɛ lɛ kio ne, á zii nyankɔ Faarahɔn la, á woo n bibiə̃ Ezipti gána tumaa nɛ.

Siin Giala 47:6

Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»

Samayeli2 2:32

Ǹ nə́ Azayeli gere saa. Ǹ nə ǹ di bĩ yala mɛn nɛ Bɛtlehɛmu kiwi, ǹ nə́ woo a dɔ bĩ walan. Zoabu laanka a minin lɛn nə́ tɔ wɔ tèlò tumu gɔ́ɔ̃ nɛ, lɛ̀ laan bɛ̀ a n wɛɛ, bɛ̀ maǹ Ebrɔn kiwi.

Kiin1 10:8

N minin wɔ na á bǐɛ̃ kɔ, n dí-nyalin dɔn wɔ na á bǐɛ̃ kɔ, ǹsɛn mɛnɛn bɛ́ boe la ǹ giã n yɔrɔ-a biikoo yii li, ǹ nə n too kɔ n sii dɔ ǹ boo ganaa.

Kiin1 11:28

Zeroboamu na á goã min kaka lɛa, a foo n tã. A Zeroboamu toa dí gialaa nyɛɛ, Salomɔn nə́ n yiri kɔ li, á tɔ́n bɔ á da pàã dí mìi la, Manaasee tɔrɔn laanka Efrayimu tɔrɔn nə́ goã nyɛɛ.

KZS1 4:23

Bɛa minin lɛn man nə́ goã dɔn-bɔlen lɛa. Maǹ nə́ goã giã-n buu kɔsɔ ǹ bǎã laanka zìãn nɛ. Kii na á goã á ǹ kaa walan màn mɛn bɛ́ tɔɛ ǹ na a dí nya.

Suusun 10:4

Gɔn yoo-baali n die ka doobaabaa nɛ. Gɔn dí-nyali n die ka naforo ne.

Suusun 12:24

Min mɛn a dí boo bɛ́ kaka, bɛ n goɛ̃ ǹ miãn mìi la. Sɛnɛ, yoobaali á re bɛ̀rɛ biɛ.

Suusun 23:1

Bɛ̀ n tá màn bii kun ka min yii guguru-a nɛ, min mɛn bɛ́ n nyɛɛnɛ, n yiri kɔ bɛ li.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Danayeli sɛ́wɔ 1:19

Kii lɛ sùn baa kunun ǹ ni. Sɛnɛ, ǹ dinin tumaa bii, Danayeli ni, Anania nɛ, Mikayeli laanka Azaria nɛ, a min kɔn yɛ ka bɛn bɛ́ lɔn wa. Bɛ lɛ nɛ, ǹsɛn lɛn nə́ tɔ́n kii a dí-nyalin baa.

Danayeli sɛ́wɔ 1:4

Wɔ̀lɔ̀ kɔn doamaa bie a goã bɛa nɛgininin lɛn ganaa wa. Ǹ yɔrɔ doamaa nɛ a goã siĩni. Sii-doɛ̃ doamaa nɛ a goã ǹ lon sii tumaa wɔ paǹ li, yiri nə́ ǹ lon, ǹ nə́ sii a woo ǹ bǎã doɛ̃, ǹ nə́ die boe la ǹ kii a kion dí nya. Ka tá re bɛa nɛgininin lɛn darɛɛ Baabiloniin bɔlɔ laanka ǹ sɛ́wɔ kiɛ̃ ǹ gɔn ganaa.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:23

A mìinaa tɔ́n pɛ nɛ: «Á bǐɛ̃ kɔ, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, ma á die n koɛ sii gole mìi la. Da n nyɛnyɛɛ kun ka masɛ nɛ.»

Rɔmu minin 12:11

Ka n doa, ka baran yoo baa wa. Ka n we yii ka dí nya Dɛnaa nɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Samayeli1 16:21

Davida woo dɔ Sayulu li, á giã a giulun, á n dí nyɛɛ nɛ. Sayulu Davida narɛ parsiini, á kũ, á baa a ziabaa ǹ mànan-gũli lɛa.

Samayeli1 17:31

Davida boon mɛnɛn da, minin nə́ ǹ ma ǹ nə́ ǹ gũ ǹ nə́ pɛ Sayulu ni. Sayulu nə́ ǹ dia, ǹ nə́ woo Davida bíi ǹ nə́ daa nɛ.