Suusun 22:22 - LAWA A BOO SONBORE 2011

²² N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

LAWA A BOO SONBORE

²² N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

Suusun 22:22 ပူးပေါင်းရင်းမြစ်များ

Zɔbu 31:16

Doobaa bin nyankɔ ma la má nu wa, ma bin toa lɔ giɔɔrɔ nə́ n yii da ma gɔn li á fɔ̃ wa.

Zɔbu 31:21

Bɛ̀ má n foo doa kiri-kurulin kɛn ganaa, má n gɔn saa nɛ toen li,

Bɔ bɛ̀rɛbaa nɛ 23:3

Ka baran boo da ka kaa pàãwɛɛnaa lon kiri wɔ ǹ bǎã-n wa.

Bɔ bɛ̀rɛbaa nɛ 23:6

Ka baran mɛnaa doobaa la kiri wɔ ǹ bǎã-n wa.

Suusun 21:7

Min baraan kakaarɛbaa nə ǹ papaɛ̃, a giala maǹ nə n piɛ̃ ka peperebaa nɛ.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Lawa a wúlu-bɔlen 19:13

Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Zakarii 7:10

Ka nyan mɛnaa nɛ toen laanka lɔ giɔɔrɔ la wa, tii laanka doobaa nɛ. Ka nyan taasiɛ baraan wɔ kɔn a paǹ li wa.»

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Timəə dí-pɛn 23:16

Bɛ̀ bɛ̀rɛ mɛn baa si a dɛnaagiĩ li á daa ka li, ka nyan kũ ka kɔ a dɛnaagiĩ lɛ la wa.