Suusun 20:7 - LAWA A BOO SONBORE 2011

⁷ Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

LAWA A BOO SONBORE

⁷ Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

Suusun 20:7 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Loen 112:2

Pàã n die goɛ̃ a nɛnyaanan lon tán kɛ la, barka n die yii min pepere tɔrɔn lon.

Loen 15:2

Min mɛn a tɔ wɔ ǹ gɔn bɛ́ pepere, a n sii pepere zɛnɛɛ, a n sonbore pii ká a bɛ́ taasɛ lɔn, bɛa dɛnaa nɛ.

Loen 26:1

Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

Loen 26:11

Sɛnɛ, masɛ n tɔ we maa peperebaa gɔ́ɔ̃ nɛ. N din bǐɛ̃ kɔ n ma si ǹ la.

Loen 37:26

Min makara n min sonbore kuĩ lɛawaa tumaa li, a n giɔ̀mɔ diɛ baraabaraa. A nɛnyaanan dɔn man barkadɛnan lɛa.

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Suusun 14:2

Min mɛn a yiikoonaabaa bɛ́ pepere, bɛ n nyɛ́ɛbiɛ Dɛnaa Lawa yii ni. Sɛnɛ, min mɛn a giã ǹ gɔn bɛ́ kɔkɔrɔ, bɛ n pɔpɔsɛ.

Suusun 14:26

Min mɛn bɛ́ Dɛnaa Lawa guguru koe, a yiri n bǎã goon ne. A giala, Dɛnaa Lawa na a nɛnyaanan tamɛɛ.

Suusun 19:1

Bɛ̀ ń doobaa baa, n giã ǹ gɔn nə́ pepere, á soɛ soɛ-bɔle laanka baãnaa nɛ.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.