Suusun 2:4 - LAWA A BOO SONBORE 2011

⁴ Baa si sii-doɛ̃ kio, ka ǹ bɛ́ baa sii wɔrɔ kio lɔn. Ga li n parsiini, ka ǹ bɛ́ giɛ naforo li lɔn.

LAWA A BOO SONBORE

⁴ Baa si sii-doɛ̃ kio, ka ǹ bɛ́ baa sii wɔrɔ kio lɔn. Ga li n parsiini, ka ǹ bɛ́ giɛ naforo li lɔn.

Suusun 2:4 ပူးပေါင်းရင်းမြစ်များ

Siin Giala 26:32

Izaaki a bɛ̀rɛgiĩn nə goã tù mɛn foɛ̃, ǹ nə́ daa bɛ lɛ boo da Izaaki ni a din pinaa lɛ nɛ. Ǹ nə́ pɛ nɛ: «Wɔ dɔ mu ganaa.»

Zɔbu 3:21

Bɛn mɛnɛn bɛ́ n yii diɛ gɛ̀ la a ná a die wa. Maǹ giɛ gɛ̀ li á la gɔn màn sonbore ne.

Loen 119:127

N dí-pɛn kɛn man kɔɔ̃n masɛ-a, ǹ nə́ la sana-n ma gɔn, haalɛ sana lɛ a sonbore din.

Loen 119:14

Ma bɛ́ má n gɔn waa ma-n lɛ si, ma foo kɔɔ̃n kɔ á la yii ni, ka n pɛ ma gɔn màn tumaa n ma gɔn.

Loen 119:72

N landa boon kɛn tá soɛ masɛ gɔn á la wɔrɔ laanka sana duu damata nɛ.

Loen 19:10

Nyɛ́ɛ baa Dɛnaa Lawa-n lɛ n sii siĩn lɛa, bɛ lɛ n goɛ̃ yǎa duduu. Dɛnaa Lawa a sii yɔrɔ-bɔn man sonbore lɛa, a sii yɔrɔ-bɔ tumaa n pepere.

Suusun 16:16

Sii-doɛ̃ á soɛ sana nɛ. Yiridɛnaabaa á soɛ wɔrɔ nɛ.

Suusun 2:3

Yiridɛnaabaa nyankɔ a n dɔ n lɛ, n sonbore bíi wɔ n gu ganaa.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Suusun 4:7

Sii-doɛ̃ lɛ a giala kɔ n ka kɛ nɛ: Sii tumaa zɛnaa n sii-doɛ̃ yɛ. N gɔn màn tumaa wɔ yiridɛnaabaa nɛ.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Matiə 13:44

Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Luku 16:8

Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.