Suusun 19:23 - LAWA A BOO SONBORE 2011

²³ Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

LAWA A BOO SONBORE

²³ Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

Suusun 19:23 ပူးပေါင်းရင်းမြစ်များ

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 19:9

Dɛnaa Lawa a minin doroo ǹ boon lɛn man pepere, ǹ tá min foo kɔɔ̃n koe. Dɛnaa Lawa a dí-pɛ lɛ n ka tɛ fúlu ni, a tá min yiri fúli.

Loen 25:13

Á die n susui yii-nyɛɛ gɔ́ɔ̃ nɛ, gána lɛ á re a tɔrɔn wɔ biɛ.

Loen 85:9

Dɛnaa Lawa bɛ́ màn mɛn diɛ, ma nə n too koe bɛ li. A nə n lɛ koe, mà là nyantoro na a din a zaman laanka a din lɛ-silin wɔ lɛa. Sɛnɛ, yǎa ǹ baran wusoo, ǹ tɔ wɔ ǹ baãnaabaa gɔ́ɔ̃-n wa.

Loen 90:14

Bɛ̀ lɛ̀ waa lɔn, n wɔ kã ka n kɔn-narɛɛ gole kɛ nɛ, ń giɛ wɔ foo á kɔɔ̃n koe, wɔ n nyɛnyɛɛ wɔa tá kanaa lɛawaa tumaa gɔ́ɔ̃ nɛ.

Loen 91:10

bɔ̀n ba re n yii wa, sii baraa kɔn ba re we n kion wa.

Loen 91:16

Ma á re nyin sasa koe la a dɔ a yii li. Ma á re a kirisibiɛ a yɛ.

Suusun 10:27

Nyɛ́ɛbaa Dɛnaa Lawa yii ni n màn diɛ nyin sasabaa li. Sɛnɛ, màn nə n boe min baraan lɛ̀ lɛ.

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Suusun 12:21

Koe a min pepere yii wa. Sɛnɛ, min baraa wɔ n ka fuu ni.

Suusun 19:22

N bɛ́ zoɛ̃ li mà n min goã ka yɔrɔ mɛn nɛ, bɛ n ka sonborebaa nɛ. Doobaa á soɛ soɛ-bɔli ni.

Suusun 22:4

Min mɛn bɛ́ n din boɛɛn koe, a n Dɛnaa Lawa guguru koe, á re naforo yii, a tɔ bɔ, a nyin sasa yɛ.

Suusun 3:24

Bɛ̀ n waa, n gɔ̀nɔn ba re bìn diɛ nyɛ́ɛ gunun wa. N tá re nyuù kɔɔ̃n we n waa ǹ piì la.

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.