Suusun 19:20 - LAWA A BOO SONBORE 2011

²⁰ N too kɔ doroo li, n lɛ kɔ daraa ganaa. Ka bɛ nɛ, n tá re sii-doɛ̃ yii.

LAWA A BOO SONBORE

²⁰ N too kɔ doroo li, n lɛ kɔ daraa ganaa. Ka bɛ nɛ, n tá re sii-doɛ̃ yii.

Suusun 19:20 ပူးပေါင်းရင်းမြစ်များ

Loen 37:37

Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.

Loen 90:12

Bɛ lɛ n ke, wɔ daraa wɔa lɛawaan lɛn nimii ganaa, wɔ dɔ̃ wáa ǹ ba tɛ wa. Bɛ á re toɛ wɔ yiri yɛ.

Loen 90:14

Bɛ̀ lɛ̀ waa lɔn, n wɔ kã ka n kɔn-narɛɛ gole kɛ nɛ, ń giɛ wɔ foo á kɔɔ̃n koe, wɔ n nyɛnyɛɛ wɔa tá kanaa lɛawaa tumaa gɔ́ɔ̃ nɛ.

Suusun 1:2

Suusun kɛn mìi n ka minin daraa sii-doɛ̃ ganaa nɛ, ka giã ǹ gɔn sonbore ne. A n doroo sonbore koe, a n toɛ n boo sonboren giala ma.

Suusun 1:3

A n toɛ wɔ yiridɛnan giã ǹ gɔn wɔ, wɔ goã pepere, wɔ dí-pɛn guguru kɔ, wɔ sonborebaa zɛnaa.

Suusun 1:8

Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Suusun 12:15

Baãnaan man taasɛ mà ǹsɛn zɛnaa ǹ sii n siĩn duduu. Sɛnɛ, sii-dɔ̃li manə n too koe doroo li.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Suusun 15:32

Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 19:19

Foo-yoo gole doamaa-n ka dɔlɔ màn saraa nɛ. Bɛ̀ ká n dɛnaa toa walan, ka n tɔn sɔsɔmɛ diɛ a zɛnaa ganaa.

Suusun 4:1

Nɛnyaanan, ka n too kɔ díi a doroo li. Ka yiri bɔ ka dinin li, ka á re yiridɛnan biɛ.

Suusun 8:14

Doroo laanka gɔn waa n masɛ wɔ lɛa. Ma din ni sii-doɛ̃ lɛa, pàã n ma din lon.

Suusun 8:33

Ka n too kɔ maa gɔn waa ǹ boon li, ń giɛ ka á sii-dɔ̃lin biɛ. Ka nyan nə n piã ǹ nɛ wa.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Minin nimi 23:10

Die n boe la, a Izirayeli min damata kɛ nimi, a Zakɔba tɔrɔ gigiã kɛ lɛ yɛ? Masɛ n zoɛ̃ li, máa ma dinmaa min peperen gɛ̀ tɔrɔ wɔ, maa lɛ-nyɔmiɛ̃ goã goon ka ǹ wɔ nɛ.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.