Suusun 19:16 - LAWA A BOO SONBORE 2011

¹⁶ Min mɛnɛn bɛ́ koe dí-pɛn lɛ, manə n dinin nyin tamɛɛ. Min mɛnɛn bɛ́ ǹ ba yiri boe ǹ dinin giã ǹ gɔn li wa, ǹ tá re giɛ̃.

LAWA A BOO SONBORE

¹⁶ Min mɛnɛn bɛ́ koe dí-pɛn lɛ, manə n dinin nyin tamɛɛ. Min mɛnɛn bɛ́ ǹ ba yiri boe ǹ dinin giã ǹ gɔn li wa, ǹ tá re giɛ̃.

Suusun 19:16 ပူးပေါင်းရင်းမြစ်များ

Zɔbu 5:2

Foo-yoo n yiriwɛɛnaa dii, foo a wuu-pɛ n baãnaa dii.

Suusun 13:13

Bɛ̀ min nə n piã ka doroo ne, a lɛ á re we ǹ dɛnaa ganaa. Sɛnɛ, bɛ̀ min mɛn dí-pɛ tamaa, á re a saraa yii.

Suusun 15:32

Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 16:17

Min pepere nə n nyɛnɛɛ baraa nɛ. Min mɛn bɛ́ n yiri koɛ a din a giã ǹ gɔn li, a nə n nyin tamɛɛ.

Suusun 21:16

Min mɛn bɛ́ á koe zii pepere lɛ wa, bɛ á re woe n susui fufuu kun ka geren ne.

Suusun 21:23

Bɛ̀ min mɛn boo a lɛ laanka a lɛwɔn la, a nə n din tamɛɛ koe ganaa.

Suusun 22:5

Nyan laanka kanan man min kɔkɔrɔ a zii sii ǹ nə n kɔ lɛ. Min mɛn bɛ́ zoɛ̃ nyin sasa li, a nə n wɔlɔ lui a ganaa.

Suusun 29:18

Bɛ̀ sii-nyaan banban wa, zaman nə n gɔn boe a din-a. Min mɛn bɛ́ koe dí-pɛn lɛ, bɛ foo á re kɔɔ̃n koe!

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Boo-laakalaali 8:5

Min mɛn bɛ́ gɔn-waa sii, sii a re bɛa dɛnaa yii wa. Sii-dɔ̃li á doɛ̃, mà ǹ kɔn pinaa, mà kiri tan.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Ezekieli 33:5

A giala, á bɛn wuu lɛ ma, sɛnɛ, a na a gɔn-waa lɛ si wa. Ǹ dɛnaa din sii ni. Bɛ̀ a na á gɔn waa lɛ si, bɛ̀ a n die kanbiɛ.

Matiə 16:26

A là n ka wàa nɛ min kanaa gɔn màn tumaa yɛ, a din nyin wusoo a papaã. Hinlaa bɛ̀ min mɛn nyin papaã, ǹ dɛnaa n die wàa koe Lawa la a tɔn wusoo a yɛ?

Luku 10:28

Yezu pɛ nɛ: «Ń ma lɛ si doɛ̃. N dɔ bɛ lɛ zɛnaa, n tá re nyin nyabaã yii.»

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Zaã a sɛ́wɔ 14:15

Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.

Zaã1 5:3

A giala, bɛ̀ wɔ á Lawa a dí-pɛn lɛn lɛ sii, wɔ n Lawa narɛ ka bɛ nɛ. A dí-pɛn lɛn dɔn ba kaka wɔsɛn ganaa wa,

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.