Suusun 18:5 - LAWA A BOO SONBORE 2011

⁵ Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

LAWA A BOO SONBORE

⁵ Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Suusun 18:5 ပူးပေါင်းရင်းမြစ်များ

Zɔbu 34:19

Lawa dinsɔɔ̃ na a bɔnbii-a we wa. A pàãma soɛ koe doobaa-n wa, a giala, a din gɔn na á ǹ tumaa zɛnaa.

Loen 82:2

Ka n die kaa kiri kɔkɔrɔn kɛn we yǎa biĩ? Ká n sonbore pii koe zɛ̀rɛdɛnan la. *Doa

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Bɔ bɛ̀rɛbaa nɛ 23:3

Ka baran boo da ka kaa pàãwɛɛnaa lon kiri wɔ ǹ bǎã-n wa.

Bɔ bɛ̀rɛbaa nɛ 23:6

Ka baran mɛnaa doobaa la kiri wɔ ǹ bǎã-n wa.

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Suusun 17:26

Dɔlɔ bɔ min pepere ganaa a siĩn duduu wa. Min yii guguru-a kɔnbɔ ka dɛ-n wa.

Suusun 24:23

Sii-dɔ̃lin nə boo mɛn da doo, bɛ á ke: Bɛ̀ ń tá kiri we, a siĩni n bɔnbii-a wɔ minin bii wa.

Suusun 28:21

Bɔnbii-a wɔ a siĩn wa. Sɛnɛ, bǐɛ̃ boɛɛn tá boe la a min bɔyaa a bɔ a peperebaa la.

Suusun 31:5

Bɛ̀ ǹ nə́ mi, ǹ yiri n boe ka dí-pɛn nɛ, ǹ ba kiri pepere we doobaan nɛ wa.

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.