Suusun 16:20 - LAWA A BOO SONBORE 2011

²⁰ Min mɛn bɛ́ taasiɛ we sii ganaa a belebɔ nɛ, a sii n bǐɛ̃ koe. Min mɛnɛn bɛ́ n foo doɛ Dɛnaa Lawa ganaa, gɛrɛsiɛdɛnan manɛ.

LAWA A BOO SONBORE

²⁰ Min mɛn bɛ́ taasiɛ we sii ganaa a belebɔ nɛ, a sii n bǐɛ̃ koe. Min mɛnɛn bɛ́ n foo doɛ Dɛnaa Lawa ganaa, gɛrɛsiɛdɛnan manɛ.

Suusun 16:20 ပူးပေါင်းရင်းမြစ်များ

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

Loen 125:1

Wo Zeruzalɛmu loe. Min mɛnɛn bɛ́ n foo doɛ Dɛnaa Lawa ganaa, bɛn man ka *Siɔn kele bɛ́ lɔn, màn kɔn ba bìn diɛ a ganaa wa, a na a tan yǎa duduu.

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 32:10

Nɔmaa gigiã á re min baraa yii. Sɛnɛ, min mɛn bɛ́ n foo doɛ Dɛnaa Lawa ganaa, Dɛnaa Lawa a kɔn-narɛɛ gole kɛ á re bɛa dɛnaa lɛnpɛnɛ.

Loen 34:8

Minin mɛnɛn bɛ́ nyɛ́ɛ biɛ Dɛnaa Lawa nɛ, a lon a dia dí-a wole kɛ n bɛn lɛnpɛnɛ, a tá ǹ kirisibiɛ.

Suusun 13:13

Bɛ̀ min nə n piã ka doroo ne, a lɛ á re we ǹ dɛnaa ganaa. Sɛnɛ, bɛ̀ min mɛn dí-pɛ tamaa, á re a saraa yii.

Suusun 13:15

Yiri sonbore bɛ́ min mɛn nɛ, bɛa dɛnaa n kɔɔ̃n minin ganaa. Sɛnɛ min baraan n zii baraa la.

Suusun 17:2

Nɛgiĩ mɛn bɛ́ sìi diɛ, dí-nyali sonbore á re a bǎã siɛ. Á re kíɛ̃ gii kɔn ka ǹ dɔɔ̃nɔn nɛ.

Suusun 19:8

Min mɛn bɛ́ n darɛɛ taasiɛ we ganaa, a n sii sonbore zɛnɛɛ a din ni. Min mɛn bɛ́ n doɛ mà asɛ sii giala ma, sii n yɔrɔ yii bɛ gɔn.

Suusun 8:35

Taãn nɛ, bɛ̀ min mɛn ma yɛ, a na á yiikoonaabaa yɛ. A sii n kɔɔ̃n koe Dɛnaa Lawa ganaa.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Danayeli sɛ́wɔ 3:28

Nebukadenezɔɔrɔ tɔ́n pɛ: – Ma á barka diɛ Sadraki laanka Mesaki ka Abɛdi-Negoo a Lawa nɛ. A din na á ná a lon a dia dí-a wole dia, á daa a dí-nyalin kirisibaa. A giala, ǹ nə́ n foo doa n ganaa, ǹ nə́ n piã ka masɛ a boo ne, ǹ nə́ n dinin nyin kɔ, mà ǹsɛn ba re lawa kɔsɔ guguru koe wa, bɛ̀ á n bɔ ǹ dinin Lawa kɛ nɛ.

Danayeli sɛ́wɔ 6:23

Masɛ a Lawa ná a lon a dia dí-a wole dia, á daa yàran lɛn lɛ tã. Bɛ lɛ nɛ, ǹ boo la ǹ nə́ sii kɔn zɛnaa ma-n wa. A giala, Lawa lɛ zɛ̀rɛ yɛ ma ganaa wa, n din kii dɔ wɔ paǹ li, ma sii kɔn la wa.»

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.