Suusun 16:18 - LAWA A BOO SONBORE 2011

¹⁸ Din gole kɔ n die mɛnaa nɛ. Din koa n die ka bɔ̀n nɛ.

LAWA A BOO SONBORE

¹⁸ Din gole kɔ n die mɛnaa nɛ. Din koa n die ka bɔ̀n nɛ.

Suusun 16:18 ပူးပေါင်းရင်းမြစ်များ

Ɛsit 3:5

Haman yii bɛ́ a ganaa mà Mardoose ba kiɛ tán asɛ giulun wa, a foo nə́ n da a lɛ la.

Ɛsit 6:6

Haman daa wɔ. Kii lɛ pɛ nɛ: «Kii bɛ́ giɛ li a gugurubaa kɔ min mɛn la, wàa sii doamaa nɛ a n zɛnaa bɛ nɛ?» Haman tɔ́n pɛ a din gɔ́ɔ̃ nɛ, mà kii lɛ bɛ́ giɛ li a gugurubaa kɔ min mɛn la, mà bɛa dɛnaa n boe la a die kɔsɔ baa, asɛ din kio?

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Suusun 11:2

Din gole kɔ n die ka din tìĩ bɔ nɛ. Sɛnɛ, din gisiĩ n die ka sii-doɛ̃ nɛ.

Suusun 17:19

Min mɛn bɛ́ zia narɛ, a n sii baraa dɔ narɛ. Min mɛn bɛ́ n din gole koe, a n bɔ̀n diɛ a din ganaa.

Suusun 18:12

Din gole kɔ n die ka papaã nɛ. Bɛ̀ n tá zoɛ̃ gugurubaa li, yǎa n nə n din boɛɛn koe bɔrɔ.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 37:38

Ǹ kɔn pinaa, a toa a n nyankɔ we a dì Nisirɔki a kion, a nɛgiĩ Adramelɛki laanka Saresɛɛrɛ dɛ ka gɔya sa nɛ á gã. Ǹ nə́ baa si ǹ nə́ woo Araraa gána nɛ. A nɛgiĩ kɔsɔ Asaradɔn kii baa a bǎã nɛ.

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 50:32

Din koa wole nə n gòã niɛ a mɛnaa. Min kɔn ba yii a saa a da lon wa. Man tɛ diɛ a kiwin gana. Màn mɛn tumaa bɛ́ ǹ lɛnpɛnɛ, man tɛ diɛ a tumaa ganaa.

Ezekieli 28:17

Ma n nə́ n din gole kɔ n siĩnbaa kɛ taman yii, Ń toa n siĩnbaa lɛ nə́ n sii-doɛ̃ kɛ ziziɛ̃, man die n lui ma n dia tán, man die sìi diɛ n ganaa, n miã kiin yɔrɔ-a.

Ezekieli 29:9

Ezipti gána kɛ gɔ́ɔ̃ kooro á die goɛ̃ ka diə gole bɛ́ lɔn. Ka á re doɛ̃ bɛa biikoo li, mà masɛ din nə Dɛnaa Lawa lɛa. A giala, kaa kii lɛ na á pɛ mà Ezipti a tà lɛ na asɛ din wɔ lɛa, mà asɛ din na á fɔ̃.

Danayeli sɛ́wɔ 11:12

Bɛ̀ ǹ nə́ bɛa zia-baali damata kɛ lɛ dɛ ǹ nə́ bɔ bii-a, gusin a lɛ̀gɔn la a kii lɛ á re n din gole koe. Á re zia-baali damata dii sɛn, sɛnɛ, a na a re gɔ̀lɔ̀baa yii wa.

Danayeli sɛ́wɔ 5:22

Nsɛ Bɛltazaara mɛn dɔ bɛ́ a nɛgiĩ lɛa, a laanɛ n tá bɛa siin kɛn lɛn tumaa doɛ̃, n dɔ din gisĩ ǹ sii zɛnaa wa.

Danayeli sɛ́wɔ 5:24

Bɛ lɛ na á toa, Lawa gɔn kɛ lɛ dia, á daa sɛ́wɔ kɛ lɛ kiɛ̃.

Matiə 26:74

Piɛrɛ yoo á dì bíi a din li, á n liɛ: «Bɛ̀ masɛ soɛ bɔ, Lawa dɔlɔ bɔ ma ganaa! Masɛ a kɛa giĩ lɛ doɛ̃ wa dɛ!» A din biikoo lɛ li gɔrɔ, koo sa goon nə́ wuu pɛ.

Luku 14:9

min mɛn bɛ́ á lɛ dia ka dinin paanan la, bɛ tɔ́n kiɛ̃ a da pɛ nɛ mà n yoo n nə n bǎã kɔ. Haya, ma n die yui kəni ka sìi ni n wo giã kio.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Timote1 3:6

A baran goã Lawa-nyankɔle tii lɛa, a yaa n siɛ din gole kɔ li wa. Bɛ bie wa dɔlɔ mɛn nə n bɔ *Sɛtaan ganaa, din gole kɔ taman yii, bɛ lɛ nə n boe a dɔ ganaa.

Sii yɔrɔ-bɔlen 11:28

Sɛnɛ, Zɛftee boon mɛnɛn dia Amɔn tɔrɔn kii lɛ la, a ǹ baa boo lɛa wa.

Samayeli1 17:42

Filisiti min lɛ ga, a bɛ́ á Davida yɛ, á zɔ̀ɔ dɔ a nɛ, a giala, a na á goã giɛ Davida ganaa nɛnyaan bɔnbɔnɔn kooro lɛa, a yɔrɔ koa ǹ gɔn nə́ siĩni, tɛ pii.