Suusun 15:9 - LAWA A BOO SONBORE 2011

⁹ Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

LAWA A BOO SONBORE

⁹ Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Suusun 15:9 ပူးပေါင်းရင်းမြစ်များ

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 139:24

N din ga a ganaa bɛ̀ má zii baraa saa. N din ma da n zii kɛ la yǎa duduu.

Loen 5:5

Sii baraa bɛ́ kɔɔ̃n Lawa mɛn-a, nsɛ bie wa, min baraa a boe la a giã n li wa.

Suusun 15:10

Min mɛn bɛ́ zii sonbore toɛ walan, bɛ wɔ n ka dɔlɔ baraa nɛ. Min mɛn bɛ n piɛ̃ ka gɔn waa ma-n nɛ, bɛ á re giɛ̃.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Suusun 21:4

Ga ka yɔrɔ baraa nɛ, ka din gole kɔ nɛ, bɛ n min baraan sii baraa giala pii.

Suusun 21:8

Gɛ̀-dɛli a giã ǹ gɔn nə kɔkɔrɔ. Sɛnɛ, min pepere a sii zɛnaa n pepere.

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 26:7

Dɛnaa Lawa, min mɛn bɛ́ n bɔlɔ sii, bɛa dɛnaa a zii n pepere. Ń zii pepere yɔrɔ bɔ a wɔ lɛa.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Matiə 7:13

Ka wɔ ka kiɛnlɛ boɛɛn nɛ, a giala, kiɛnlɛ mɛn bɛ́ woe ka min ni bɔ̀nbaa ǹ bǎã nɛ, bɛ n gole, zii mɛn dɔ bɛ woe walan, a kɔmalɛ n kɔɔ̃nɛ. Min gigiã dɔ n bɛ lɛ siɛ.

Timəə dí-pɛn 7:13

Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.