Suusun 15:7 - LAWA A BOO SONBORE 2011

⁷ Sii-dɔ̃li lɛ n doɛ̃ pɛsɛ̃ sɛnɛ, yiriwɛɛnaa foo n màn tɔrɔ kɔsɔ lɛa.

LAWA A BOO SONBORE

⁷ Sii-dɔ̃li lɛ n doɛ̃ pɛsɛ̃ sɛnɛ, yiriwɛɛnaa foo n màn tɔrɔ kɔsɔ lɛa.

Suusun 15:7 ပူးပေါင်းရင်းမြစ်များ

Loen 119:13

N sii yɔrɔ bɔ ǹ boon kɛn, má ǹ tumaa pɛ ka ma lɛ nɛ.

Loen 37:30

Min sonbore n sii-doɛ̃ boo diɛ, peperebaa ǹ boon n soe a lɛwɔn la.

Loen 45:2

Boo sonbore ma gɔ́ɔ̃ pã, man die loe loe ma kii tɔ bɔ nɛ. Toa ma lɛwɔn lɛ bɔ li, ka sɛ́wɔ-kiɛ̃li sonbore a sɛ́wɔ kiɛ̃ ǹ màn bɛ́ lɔn.

Suusun 15:2

Bɛ̀ sii-dɔ̃li á boo diɛ, daraa sii nə n kuĩ. Sɛnɛ, bɛ̀ yiriwɛɛnaa nə n lɛ bũ, boo kooron manɛ á diɛ.

Suusun 15:6

Sii sonbore-zɛnaali a kion nə piɛ̃ ka naforo ne, sɛnɛ, min baraa a naforo n die ka koe ne.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 16:23

Sii-dɔ̃li nə n taasɛ a tɔn boo da. Ka bɛ nɛ, a n boe la a ǹ miãn yiri waa ka a da ǹ boon ne.

Suusun 5:2

Ń tá re yiridɛnaa biɛ, ka bɛ dɔ nɛ, n da ǹ boon tá re yiridɛnan wɔ biɛ.

Boo-laakalaali 10:2

Sii-dɔ̃li yiri n tɔ we doɛ̃ sɔnbɔraanɛ, sɛnɛ, baãnaa sɛ n sii tumaa giala miɛ ka a làfu ni.

Loe kɔɔ̃n kɔɔ̃n 4:11

Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Matiə 12:34

Miɛ̃ tɔrɔn lɛn! Boo sonbore n siɛ lɔn a bɔ ka lɛ-n, a da yaa ka dininmaan nə́ baraa? A giala min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Zaaki 3:6

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.