Suusun 12:5 - LAWA A BOO SONBORE 2011

⁵ Min sonbore a taasiɛ n doa-n peperebaa ganaa. Min baraa wɔ n ka ǹ miãn sã nɛ.

LAWA A BOO SONBORE

⁵ Min sonbore a taasiɛ n doa-n peperebaa ganaa. Min baraa wɔ n ka ǹ miãn sã nɛ.

Suusun 12:5 ပူးပေါင်းရင်းမြစ်များ

Loen 119:15

Man li man taasɛ ka n minin doroo ǹ boon kɛn nɛ, n bɛ́ zii mɛn nyɛɛ ma nɛ, man yii doa bɛ la.

Loen 139:23

Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.

Suusun 11:23

Min peperen taasiɛ n ka sii sonbore zɛnaa nɛ. Sɛnɛ, min baraan wɔ n ka foo yoo ne.

Suusun 12:4

Lɔ yiridɛnaa nə ǹ zuũ tɔ boe. Sɛnɛ lɔ mɛn bɛ́ sìi diɛ ǹ zuũ ganaa, bɛ n ka busu bɛ́ lɔn a wen sɔsoɛ̃.

Suusun 12:6

Min baraa lɛ gɔ́ɔ̃ ǹ boo n kan lɛa gɛ̀ dii. Sɛnɛ min sonbore wɔ nə ǹ miãn sii ǹ kiɛ.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 24:9

Yiriwɛɛnaa a taasiɛ tumaa n doa nɛ sii baraa ganaa. Min mɛn bɛ́ yaa we sii tumaa ganaa, a tìĩ boemaa-n min tumaa nɛ.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 9:3

Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Zeremii 9:5

Kakaarɛbaa woo kakaarɛbaa. Soɛ woo soɛ. Maǹ nə n piɛ̃ ǹ ba ma doɛ̃ wa. Dɛnaa Lawa a da ǹ boo ne.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Matiə 26:4

ǹ nə́ n lɛ kaa kun boo goon ganaa, mà maǹ die Yezu kuĩ ka durii ni ǹ dɛ.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.