Suusun 12:13 - LAWA A BOO SONBORE 2011

¹³ Min baraan man kòso-n ǹ soɛn taman yii. Sɛnɛ, koe a sii sonbore-zɛnaali yii wa.

LAWA A BOO SONBORE

¹³ Min baraan man kòso-n ǹ soɛn taman yii. Sɛnɛ, koe a sii sonbore-zɛnaali yii wa.

Suusun 12:13 ပူးပေါင်းရင်းမြစ်များ

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Samayeli2 4:9

Davida tɔ́n pɛ Beerɔti min Rimɔn a nɛgiĩ Rekabu laanka ǹ dɔɔ̃n Baanaa lɛ nɛ: «Dɛnaa Lawa Yiikoonaa ke, á ma kirisibaa bɔ̀n tumaa ganaa, masɛ nə n liɛ ka bɛ tɔ nɛ.

Kiin1 2:23

Kii Salomɔn nə́ n liɛ ka Dɛnaa Lawa tɔ nɛ á pɛ: «Bɛ̀ ma Adoniya nyín bɔ a boo kɛ lɛ a diɛ taman yii wa, Lawa die a dɔlɔ babaraa bɔ ma ganaa.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Loen 34:20

Min pepere a nɔmaa á gigiã, sɛnɛ, Dɛnaa Lawa n boe bɛ tumaa gɔ́ɔ̃ nɛ.

Loen 5:6

Din-koa wole a giɛ̃ n yɔrɔ-a wa, baraa-zɛnaali kɛ tumaa, bɛn tìĩ bɔ n nɛ.

Loen 59:12

N baran ǹ dɛ n nə ǹ yɔyɔrɛ sisia wa. Bɛ bie wa, ma tɔrɔ minin kɛn yiri á re boe n gɔ̀lɔ̀baa kɛ nɛ. Dɛnaa, n din nə wɔa goóro lɛa. Bìn da ǹ ganaa ka pàã gole ne, n toa ǹ mɛnaa.

Loen 59:13

Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

Loen 64:8

Sɛnɛ, Lawa n die kiɛ zuĩ ǹ ni. Bǎã goon ne, a ǹ kũ.

Suusun 10:8

Min mɛn bɛ́ taasiɛ we, bɛ n doroo sii. Sɛnɛ, min mɛn bɛ́ boo kooron diɛ bɛ n bɔ̀n diɛ a din-a.

Suusun 11:8

Min sonbore n kanbiɛ fuu ganaa. Sɛnɛ, min baraa n fuu yii a dòo.

Suusun 15:2

Bɛ̀ sii-dɔ̃li á boo diɛ, daraa sii nə n kuĩ. Sɛnɛ, bɛ̀ yiriwɛɛnaa nə n lɛ bũ, boo kooron manɛ á diɛ.

Suusun 18:21

Gɛ̀ laanka yiikoonaabaa n boe da ǹ boo li. Min mɛn bɛ́ boo narɛ, a doamaa nɛ a lɛ kɔ a mìi gɔ́ɔ̃ nɛ ǹ siin ganaa.

Suusun 21:23

Bɛ̀ min mɛn boo a lɛ laanka a lɛwɔn la, a nə n din tamɛɛ koe ganaa.

Suusun 6:2

Ń boo da hinlaa ń lɛ kɔ wɔ bɛa paǹ li ya?

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Danayeli sɛ́wɔ 6:24

Bɛa biikoo li, kii foo kɔɔ̃n kɔ parsiini, á tɔ́n pɛ mà ǹ Danayeli bɔ ǹ bɔ yala lɛ nɛ. Ǹ nə́ Danayeli bɔ ǹ nə́ bɔ yala lɛ nɛ. Ǹ màn lɛ pɔrɛɛ din yɛ a gɔ̀nɔn ganaa wa, a giala, a na á goã á n foo doa Lawa ganaa.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Piɛrɛ2 2:9

Bɛ n nyɛɛ, mà Dɛnaa din lɛ kɔ min mɛnɛn ganaa min peperen lɛa, mà pàã tá a lon sonbore a bɛn bɔ fuu ni, sɛnɛ, a babaraan kɛn, a n bɛn koɛ á n die dɔlɔ boe ǹ ganaa kiri kurii pinaa.